థియేటర్లో పూనకాలు వచ్చేసాయి.. 26 ఏళ్లు అయినా అదే ఫీలింగ్..!

కుటుంబకథా చిత్రాలు, ప్రేమ కథా చిత్రాలు, పౌరాణిక చిత్రలను 1990 దశకంలో కె.రాఘవేంద్రరావు, జంద్యాల, కె.వి రెడ్డి ఉతికి ఆరేశారు. అందులో ఆరితేరారు. అలా వాళ్లు ఒక ట్రెండ్ ను సెట్ చేసేశారు. అలాంటి టైంలో.. అలాంటి దగ్గజ దర్శకులతో పోటీ పడి ఒక సినిమా హిట్ కొట్టాలంటే.. ఎంత కష్టం.. ఆ అసాధ్యాన్ని సుసాధ్యం చేసి చూపించారు కోడి రామకృష్ణ.

అప్పట్లో ఇంట్లో రామయ్య వీధిలో కృష్ణయ్య, అంకుశం వంటి సినిమాలను తీసిన కోడి రామకృష్ణ.. వాటిని మించి ఏ సినిమా తీయగలడు.. అతని వల్ల కాదులే అని అనుకున్నారు. కానీ అమ్మోరు సినిమా తీసి.. బంపర్ హిట్ కొట్టి.. తన ప్రత్యేకతను చాటాడు. అందులో ఒక స్టార్ హీరో లేడు.. ఆకర్షించే పాటు లేవు.. ప్రమ కథ అంతకంటే కాదు.. గ్రాఫిక్స్ పెద్దగా ప్రాచుర్యం పొందని రోజుల్లో కూడా ఓ విజువల్ వండర్ ను అందించారు కోడి రామకృష్ణ.

మూసధోరణిలో వెళ్లే కథలకు బ్రేక్ పెట్టేశాడు. అలా అమ్మోరు సినిమా అప్పట్లో స్టార్ హీరోల సినిమాలను మించి బ్లాక్ బస్టర్ అయ్యింది. మొదటి రోజు అంతగా కలెక్షన్లు రాని ఈ సినిమాకు తర్వాత రోజు నుంచి హౌస్ ఫుల్ కలెక్షన్లతో దూసుకుపోయింది. మంచి టెక్నికల్ వాల్యూస్ కలిగిన సినిమాను అందించారు దర్శకుడు కోడి రామకృష్ణ.

ఈ చిత్రాన్ని థియేటర్లో వీక్షించిన ప్రేక్షకులు.. ఆ టైములో నిజంగానే అమ్మోరు పూనినట్టు గంతులు వేశారట. ఇక ఈ చిత్రాన్ని నిర్మిస్తున్న సమయంలో కొంతమంది ఎందుకు ఇంతగా డబ్బులు పెడుతున్నారు.. పెట్టినవి అన్నీ తిరిగి రావు అని అన్నారట.. కథ మీద నమ్మకంతో అవేమి పట్టించుకోకుండా ముందుకు సాగాడు కోడిరామకృష్ణ. దాదాపు రూ.4 కోట్లతో ఈ సినిమాను నిర్మించగా రూ. 11 కోట్ల వరకు రాబట్టి.. విమర్శకుల నుంచి సైతం ప్రశంసలు పొందింది. ఈ సినిమా విడుదలై 1995 నవంబర్ 23 న విడుదలైన ఈ సినిమా.. 26 ఏళ్లు గడుస్తున్నా ఇప్పటికీ ఆదరించే వారు చాలామంది ఉన్నారు.