Upasana: రామ్ చరణ్ లాంటి భర్త రావడం నా అదృష్టం… తన రాకతో జీవితమే మారిపోయింది: ఉపాసన

Upasana: ఉపాసన మెగా కోడలుగా మెగా పవర్ స్టార్ రామ్ చరణ్ భార్యగా ఎంతో పేరు ప్రఖ్యాతలు సంపాదించుకున్నారు. ఈమె ఒక బిజినెస్ ఉమెన్ గా ఎంతో మంచి గుర్తింపు సంపాదించుకున్నారు.ప్రస్తుతం ఉపాసన అపోలో హాస్పిటల్ బాధ్యతలను ఎంతో చక్కగా నిర్వర్తిస్తున్న సంగతి మనకు తెలిసిందే. ఇక పెళ్లి తర్వాత 11 సంవత్సరాలకు ఉపాసన తల్లిగా ప్రమోట్ అయ్యారు.ఇలా తల్లిగా మారినటువంటి ఉపాసన తన బిడ్డ ఆలనా పాలన చూసుకుంటూ ఇంటికి పరిమితమయ్యారు.

అయితే తాజాగా అపోలో హాస్పిటల్ లో నిర్వహించిన ఓ కార్యక్రమానికి ఈమె హాజరయ్యారు ఈ కార్యక్రమంలో భాగంగా ఒంటరి మహిళలు తమ పిల్లల ఆరోగ్యం పట్ల ఏ విధమైనటువంటి ఇబ్బంది పడకుండా ప్రతి వారం తమ హాస్పిటల్ లో ఉచితంగా వైద్యం అందించేలా ఏర్పాట్లు చేసినట్లు ఈ సందర్భంగా ఉపాసన తెలియజేశారు. ఈ క్రమంలోనే ఈ ఆలోచన తనకు రావడానికి కారణం కూడా ఈమె తెలిపారు.

తన కుమార్తె పుట్టిన తర్వాత తన విషయంలో రామ్ చరణ్ ఎంతో బాధ్యతగా వ్యవహరిస్తున్నారని తెలిపారు. ఇలా బాధ్యతగా వ్యవహరించే భర్త రావడం నిజంగా నా అదృష్టం అని తెలిపారు. ఇలా నా వరకు ఓకే కానీ ఒంటరిగా ఉన్న మహిళలు తమ పిల్లల ఆరోగ్య విషయంలో ఎన్నో ఇబ్బందులు పడుతుంటారన్న ఆలోచన తనకు రావడంతోనే ఒంటరి మహిళల పిల్లలకు ఉచిత వైద్యం అందించాలని నిర్ణయాన్ని తీసుకున్నానని తెలిపారు.

Upasana: కొత్త విషయాలు నేర్చుకున్నాను..

ఇక తన కుమార్తె క్లిన్ కారా గురించి కూడా ఈ సందర్భంగా ఉపాసన మాట్లాడారు.తన కుమార్తె వచ్చిన తర్వాత తన జీవితం మొత్తం సంతోషంగా మారిపోయిందని తన జీవితంలో ఎన్నో మార్పులు వచ్చాయని తెలిపారు. తన కూతురి నుంచి తాను ఎన్నో కొత్త విషయాలు నేర్చుకున్నానని ఈ సందర్భంగా కూతురి గురించి భర్త గురించి ఉపాసన చేసిన ఈ కామెంట్స్ వైరల్ అవుతున్నాయి.