Upasana: దుబాయ్ లో ఉపాసన బేబీ షవర్ ఫంక్షన్… ఫోటోలు వైరల్!

Upasana: మెగా కోడలు ఉపాసన ప్రస్తుతం గర్భంతో ఉన్న విషయం మనకు తెలిసిందే. గత పది సంవత్సరాల క్రితం రామ్ చరణ్ ను పెళ్లి చేసుకున్న ఉపాసన ప్రస్తుతం తల్లి కాబోతుండడంతో మెగా ఫ్యామిలీ ఎంతో సంతోషం వ్యక్తం చేస్తుంది. అయితే ఇన్ని రోజులు పిల్లలగురించి ఆలోచించకపోవడానికి కారణం ఉందని ఆర్థికంగా బాగా స్థిరపడిన తర్వాతే పిల్లల గురించి ఆలోచించాలని ప్లాన్ చేసుకున్నట్లు ఉపాసన తెలిపారు.

ఇక ప్రస్తుతం తమకు పిల్లలు ఉంటే బాగుంటుందనిపించి పిల్లలను ప్లాన్ చేసుకున్నామని తాజాగా ఉపాసన ఓ సందర్భంలో తెలియజేశారు. ఇకపోతే ఉపాసన ప్రెగ్నెంట్ అయినప్పటికీ తన భర్తతో కలిసి పలు వెకేషన్ లకు వెళుతూ పూర్తి సమయాన్ని ఎంజాయ్ చేస్తున్నారు. ఇన్ని రోజులు ఆస్కార్ వేడుకలలో భాగంగా అమెరికాలో సందడి చేసిన ఉపాసన తాజాగా తన భర్త రామ్ చరణ్ తో కలిసి దుబాయ్ వెకేషన్ కి వెళ్లారు.

ఇలా దుబాయ్ లో కొద్ది రోజులపాటు ఎంజాయ్ చేసిన అనంతరం తిరిగి ఇండియా రానున్నారు.ఇక దుబాయిలో తన స్నేహితులు కజిన్స్ తో కలిసి ఉపాసన ఎంతో ఎంజాయ్ చేస్తున్నట్లు తెలుస్తోంది. ఈ క్రమంలోనే అందుకు సంబంధించిన ఫోటోలను కూడా సోషల్ మీడియా వేదికగా షేర్ చేశారు. ఇకపోతే దుబాయ్ లో ఉన్నటువంటి తన స్నేహితులు కజిన్స్ తనకు సీమంతపు వేడుకలను చేసినట్టు తెలుస్తుంది.

Upasana: స్నేహితులు కజిన్స్ సమక్షంలో బేబీ షవర్..

ఈ క్రమంలోనే దుబాయిలో నమ్మోస్ బీచ్ క్లబ్ లో ఉపాసన బేబీ షవర్ ఫంక్షన్ నిర్వహించినట్టు తెలుస్తోంది.ఇక ఈ వేడుకలో రామ్ చరణ్ ఉపాసన స్నేహితులతో పాటు కజిన్స్ కూడా పాల్గొని సందడి చేశారు. ఇక ఈ వేడుకలో భాగంగా ఉపాసన తెలుపు రంగుగౌనులో మెరిసిపోతూ కనిపించారు. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక దుబాయ్ వెకేషన్ పూర్తి కాగానే రామ్ చరణ్ తిరిగి శంకర్ దర్శకత్వంలో తెరకెక్కుతున్న గేమ్ చేంజర్ సినిమా షూటింగ్ పనులలో బిజీగా ఉన్నారు.