Ustaad Bhagat Singh: పవర్ స్టార్ పవన్ కళ్యాణ్ ప్రస్తుతం సినిమాలలోనూ రాజకీయాలలోను ఎంతో బిజీగా ఉన్నారు. ఈ క్రమంలోనే ఈయన ఒకవైపు హరిహర వీరమల్లు సినిమా షూటింగ్లో పాల్గొంటూనే మరోవైపు రాష్ట్ర రాజకీయాలలో పాల్గొంటున్నారు.ఇక పవన్ కళ్యాణ్ డైరెక్టర్ హరీష్ శంకర్ దర్శకత్వంలో ఉస్తాద్ భగత్ సింగ్ అనే సినిమాని కూడా చేయబోతున్నట్లు ప్రకటించారు.
వీరిద్దరి కాంబినేషన్లో గబ్బర్ సింగ్ వంటి బ్లాక్ బాస్టర్ సినిమా ప్రేక్షకుల ముందుకు వచ్చింది. ఈ క్రమంలోనే చాలా సంవత్సరాలు తర్వాత మరోసారి ఈ కాంబినేషన్ రిపీట్ కాబోతుందని తెలియడంతో ఈ సినిమాపై భారీ అంచనాలు పెరిగాయి. అయితే 2020వ సంవత్సరంలో భవదీయుడు భగత్ సింగ్ అనే టైటిల్ తో ఈ సినిమాని ప్రకటించగా కొన్ని కారణాలవల్ల ఈ సినిమా షూటింగ్ వాయిదా పడుతూ రావడంతో ఈ సినిమా స్క్రిప్ట్ విషయంలో కొన్ని మార్పులు చేశారు.
కేవలం స్క్రిప్ట్ మాత్రమే కాకుండా ఈ సినిమా టైటిల్ కూడా ఉస్తాద్ భగత్ సింగ్ గా ప్రేక్షకుల ముందుకు రాబోతున్నట్లు ప్రకటించారు. అయితే ఈ సినిమా తమిళ తేరీ చిత్రానికి రీమేక్ చిత్రం అని వార్తలు వస్తున్నాయి. ఈ క్రమంలోనే దర్శకుడు దశరథ్ ఒక ఇంటర్వ్యూలో పాల్గొని ఈ సినిమా గురించి పలు ఆసక్తికరమైన విషయాలను వెల్లడించారు.
Advertisement
Ustaad Bhagat Singh: ఇది రీమేక్ చిత్రమే…
ప్రభాస్ హీరోగా నటించిన మిస్టర్ ఫర్ఫెక్ట్ సినిమాకు దర్శకుడుగా వ్యవహరించిన దశరథ్ ఈ సినిమాకు స్క్రీన్ ప్లే రైటర్ గా పనిచేస్తున్నారు. ఈ క్రమంలోనే ఈయన ఒక ఇంటర్వ్యూలో మాట్లాడుతూ హరీష్ శంకర్ పవన్ కళ్యాణ్ దర్శకత్వంలో రాబోతున్న ఈ సినిమా తమిళ తేరీ సినిమాకు రీమేక్ చిత్రమే అయితే ఈ సినిమా స్క్రిప్ట్ విషయంలో ఎన్నో మార్పులు చేశామని తప్పనిసరిగా ఈ సినిమా ప్రేక్షకులకు నచ్చుతుంది అంటూ దశరథ్ చేసినటువంటి ఈ కామెంట్ సోషల్ మీడియాలో వైరల్ అవుతున్నాయి.