Vani Jayaram: వాణి జయరాంకు హైదరాబాద్ తో వీడదీయరానిబంధం ఉందని మీకు తెలుసా?

Vani Jayaram: ఎన్నో భాషలలో,వేల సినిమాలలో సుమారు 20 వేలకు పైగా పాటలను పాడి ఎంతోమంది అభిమానులను ఆకట్టుకున్న లెజెండరీ సింగర్ వాణీ జయరాం మృతి ఇండస్ట్రీకి తీరని లోటు అని చెప్పాలి. ఈమె చెన్నైలోని తన నివాసంలో అనుమానాస్పద స్థితిలో మృతి చెందారు. ఇలా వాణి జయరాం మరణించడంతో ఎంతోమంది సినీ సెలబ్రిటీలు రాజకీయ నాయకులు ఈమె మృతి పై స్పందిస్తూ తనకు నివాళులు అర్పిస్తున్నారు.

ఈ క్రమంలోనే ఈమె గురించి పలు విషయాలు కూడా బయటకు వస్తున్నాయి.సింగర్ గా ఇండస్ట్రీలోకి రాకముందు ఈమె మద్రాస్ లోనే ఎస్బిఐ బ్యాంకులో పనిచేసేవారు అనంతరం తను హైదరాబాద్ కోటిలోని ఎస్బిఐ బ్రాంచ్ కు బదిలీ అయ్యారు.తన సోదరుడు హైదరాబాదులోనే పనిచేస్తుండడంతో ఈమె కూడా ఇక్కడే విధులు నిర్వహించారు.

ఇక జయరాంతో తన వివాహం సికింద్రాబాద్ లోనే జరిగింది.ఈ క్రమంలోనే ఈమె గతంలో ఒక ఇంటర్వ్యూలో పాల్గొని హైదరాబాద్ తో తనకు ఉన్నటువంటి ప్రత్యేకమైన అనుబంధం గురించి తెలియజేశారు. నా మనసులో హైదరాబాద్ కి ప్రత్యేకమైన స్థానం ఉంటుంది. ఈ నగరంతో నాకు జన్మజన్మల అనుబంధం ఉంటుందనిపిస్తుంది.

Vani Jayaram: హైదరాబాద్ నగరంతో విడదీయలేని అనుబంధం…

తన అసలు పేరు కలైవాణి. ఇక్కడ జయరాం అనే వ్యక్తిని పెళ్లి చేసుకోవడంతో తాను వాణి జయరామ్ గా మారిపోయానని తెలిపారు. అయితే తన భర్త ఉద్యోగ నిమిత్తం తనతో పాటు కలిసి ఈమె ముంబై వెళ్ళిపోయారు. ఇక తాను ఇండస్ట్రీ లోకి వచ్చిన తర్వాత పీబీ శ్రీనివాస్ అవార్డు, పి.సుశీల ట్రస్టు పురస్కారం, ఫిలింఫేర్ ఫర్ సౌత్ నుంచి లైఫ్‌టైమ్ అచీవ్‌మెంట్ అవార్డులు, సత్కారాలన్నీ హైదరాబాద్‌లోనే అందుకున్నాను అంటూ హైదరాబాద్ తో తనకు ఉన్నటువంటి అనుబంధం గురించి చెప్పుకు వచ్చారు.