Vanitha Vijaykumar: మాజీ భర్త మరణం పై ఎమోషనల్ పోస్ట్ చేసిన నటి వనిత విజయ్ కుమార్…. పోస్ట్ వైరల్!

Vanitha Vijaykumar: వనిత విజయ్ కుమార్ పరిచయం అవసరం లేని పేరు. ఇండస్ట్రీలో ప్రముఖ నటీనటులైన మంజుల విజయ్ కుమార్ కూతురుగా వనిత అందరికీ సుపరిచితమే ఈమె కూడా ఇండస్ట్రీలో తెలుగు తమిళ భాషలలో పలు సినిమాలలో నటించారు. అయితే వనిత సినిమాలలో నటించి పేరు సంపాదించడం కన్నా తన వ్యక్తిగత విషయాల ద్వారా వార్తల్లో నిలిచారు.

ఒకటి కాదు రెండు కాదని ఏకంగా మూడు పెళ్లిళ్లు చేసుకుని ముగ్గురు భర్తలకు విడాకులు ఇచ్చిన ఘనత వనితాకే చెల్లుతుంది. అయితే శనివారం తన మూడవ భర్త పీటర్ పాల్ గుండెపోటుకు గురై మరణించిన సంగతి తెలిసిందే. ఇలా తన మాజీ భర్త గుండెపోటుకు గురవడంతో ఈమె సోషల్ మీడియా వేదికగా ఆయన మరణం పట్ల స్పందిస్తూ ఎమోషనల్ పోస్ట్ చేశారు.

కొద్దిరోజులుగా గుండెపోటుతో చెన్నైలోనే ఒక ప్రైవేట్ హాస్పిటల్లో చికిత్స తీసుకుంటున్నటువంటి పీటర్ శనివారం మరణించారు. ఈ క్రమంలోనే వనిత తన మాజీ భర్త మరణం పై స్పందిస్తూ…ఇతరులకు సహాయం చేసే వారికి ఎప్పుడు దేవుడు సహాయం చేస్తారని మా అమ్మ నేర్పింది అయితే ఇది అందరూ నేర్చుకోవాల్సిన విషయం.ఎటు తోచని స్థితిలో ఉన్నప్పుడు మనకు మనమే నిర్ణయాలు తీసుకోవాలి ఆసుపత్రిలో నువ్వు ఉన్నప్పుడు దయ్యాలతో పోరాటం చేస్తూ ఎన్నో ఇబ్బందులు ఎదుర్కొన్నావు.

Vanitha Vijaykumar: ఎక్కడ ఉన్నా సంతోషంగా ఉండు…

నీ మరణం నన్ను బాధ పెట్టినప్పటికీ నీకు ఎంతో ప్రశాంతంగా ఉంటుందని అనుకుంటున్నాను.ఎట్టకేలకు నువ్వు ప్రశాంతతను సాధించి ఒక సరైన ప్రదేశంలో ఉంటావని అనుకుంటున్నాను… నువ్వు ఎక్కడ ఉన్నా సంతోషంగా ఉండు అంటూ ఈ సందర్భంగా వనిత తన మాజీ భర్త మరణం పై చేసినటువంటి ఈ పోస్ట్ ప్రస్తుతం వైరల్ అవుతుంది. అయితే ఈయనని మూడవ వివాహం చేసుకున్న వనిత ఇతనితో పెళ్లయిన నాలుగు నెలలకే విడాకులు తీసుకుని విడిపోయారు.