Varun Sandhesh : వితిక సూపర్ విమెన్… మోహన్ బాబు ఎలాంటి వాడంటే.. ఆ సినిమా అందుకే చేయాల్సి వచ్చింది..!

Varun Sandhesh : శేఖర్ ఖమ్ముల దర్శకత్వంలో 2007 సంవత్సరంలో తెలుగు సినిమాకు పరిచయమయ్యాడు వరుణ్ సందేశ్. హ్యాపీ డేస్ సినిమాలో తమన్నాకు జోడిగా చందు పాత్రలో ఒదిగిపోయాడు. ఆ తరువాత 2008 లో వచ్చిన కొత్త బంగారంలోకం సినిమా ద్వారా మరోసారి హిట్ కొట్టాడు. వరుసగా మంచి హిట్స్ అందుకున్న వరుణ్ సందేశ్ కథలను సరిగా ఎంచుకోక పోవడం వల్ల ఆ తరువాత పరాజయాలు చవిచూడాల్సి వచ్చింది. ఇక సినిమా కెరీర్ ను వదిలేసి మళ్ళీ అమెరికా వెళ్లిపోయిన వరుణ్ మళ్ళీ సినిమాల్లోకి రే ఎంట్రీ ఇచ్చాడు.

మోహన్ బాబు గారు అలాంటి వారు…..

వరుణ్ సందేశ్ పడ్డానండి ప్రేమలో మరి సినిమాలో కలిసి నటించిన వితికను ప్రేమించి పెళ్లి చేసుకున్నాడు. ఇక సోలో హీరోగానే కాకుండా సహాయక పాత్రలో కూడా వరుణ్ కనిపించాడు. మోహన్ బాబు ఆయన కుమారులతో కలిసి నటించిన పాండవులు పాండవులు తుమ్మెద సినిమాలో వరుణ్ నటించాడు. ఇక ఆ సినిమాతో మోహన్ బాబు గారితో పరిచయమేర్పడి ఆయన గురించి ఆసక్తికర విషయాలు చెప్పారు. వరుణ్ సందేశ్ పెళ్ళికి రానందుకు మోహన్ బాబు స్వయంగా ఆయన స్టాఫ్ తో వచ్చి కొత్త జంటకు విష్ చేశారట. మోహన్ బాబు గారిలాంటి గొప్ప వ్యక్తి అలా రావడం చాలా ఆశ్చర్యానికి గురిచేసిందని ఆయన చెప్పారు. పాండవులు పాండవులు తుమ్మెద తరువాత నువ్వు తోపురా సినిమాలో వరుణ్ నటించాడు. సుధాకర్ కోమాకుల కోసం మాత్రమే ఆ సినిమా చేసానని వరుణ్ చెప్పాడు.

లైఫ్ ఈజ్ బ్యూటిఫుల్ ఫేమ్ సుధాకర్ కోమాకుల నువ్వు తోపురా సినిమా లో హీరో. వరుణ్ సందేశ్, సుధాకర్ మంచి స్నేహితులవ్వడం వల్ల ఆ సినిమాలో చేసానని వరుణ్ చెప్పాడు. ఇక తన లైఫ్ పార్టనర్ వితిక గురించి మాట్లాడుతూ తానొక సూపర్ విమెన్ అని లైఫ్ లో తనకు నాకు చాలా ధైర్యాన్నిచ్చింది అంటూ చెప్పాడు. బిగ్ బాస్ తరువాత వితిక చాలా బాధపడిందని నెగెటివ్ కామెంట్స్ వల్ల కొన్నిరోజులు బాధపడిందని చెప్పారు. ఇక తన వల్ల నా మైండ్ సెట్ చాలా మారిందని, నా లైఫ్ లో చేంజ్ వచ్చిందంటూ చెప్పాడు.