Varun Tej: సాయి పల్లవితో కలిసి మళ్ళీ నటించకపోవడానికి అదే కారణం: వరుణ్ తేజ్

Varun Tej: మెగా ప్రిన్స్ వరుణ్ తేజ్ సాయి పల్లవి కాంబినేషన్లో ప్రేక్షకుల ముందుకు వచ్చినటువంటి చిత్రం ఫిదా. ఈ సినిమా ఎంతగా సక్సెస్ అయిందో మనకు తెలిసిందే. డైరెక్టర్ శేఖర్ కమ్ముల దర్శకత్వంలో వచ్చిన ఈ సినిమా ద్వారా సాయి పల్లవి తెలుగు ప్రేక్షకులకు హీరోయిన్ గా పరిచయమయ్యారు. ఇక మొదటి సినిమాతో సాయి పల్లవి ప్రేక్షకులను పెద్ద ఎత్తున మెప్పించారు.

ఈ సినిమా తర్వాత వరుణ్ తేజ్ సాయి పల్లవి ఇద్దరూ కూడా వారి కెరియర్ పరంగా ఎంతో బిజీగా ఉన్నారు. ఇక వరుణ్ తేజ్ ఇటీవల ఆపరేషన్ వాలెంటైన్ అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా మార్చి 1వ తేదీ ప్రేక్షకుల ముందుకు రాబోతోంది ఈ క్రమంలోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఇందులో భాగంగా ఈయన వరుస ఇంటర్వ్యూలకు హాజరవుతున్నారు.

ఇకపోతే వరుణ్ తేజ్ కి ఇటీవల అభిమానుల నుంచి ఒక ప్రశ్న ఎదురయింది. మీకు ఇష్టమైన హీరోయిన్ ఎవరు అనే ప్రశ్న ఎదురుకాగా నాకు ఇష్టమైన హీరోయిన్ ప్రస్తుతం మా ఇంట్లోనే ఉంది అంటూ చెప్పారు లావణ్య తర్వాత మీకు ఇష్టమైన హీరోయిన్ ఎవరు అంటే సాయి పల్లవి పేరే చెప్పారు. తాజాగా మరోసారి మీరు సాయి పల్లవితో కలిసి మరోసారి ఎందుకు సినిమా చేయలేదు అనే ప్రశ్న ఈయనకు ఎదురయింది.

ఫిదాను మించి ఉండాలి..
ఈ ప్రశ్నకు వరుణ్ తేజ్ సమాధానం చెబుతూ నేను సాయి పల్లవి కలిసి మరో సినిమా చేయాలని ఇద్దరం కూడా కథ విన్నాము. కానీ ఇద్దరం ఈసారి చేయబోయే సినిమా ఫిదా సినిమాకు మించి ఉండాలన్న ఉద్దేశంతోనే ఆ సినిమాని చేయలేకపోయామని అందుకే ఇప్పటివరకు తిరిగి మా ఇద్దరి కాంబినేషన్లో సినిమా రాలేదని వరుణ్ తెలిపారు.