Lavanya Tripati: లావణ్య త్రిపాఠి నిక్ నేమ్ ఏంటో తెలుసా.. చాలా వెరైటీగా ఉందే?

Lavanya Tripati: అందాల రాక్షసి సినిమా ద్వారా హీరోయిన్గా తెలుగు ప్రేక్షకులకు పరిచయమయ్యారు నటి లావణ్య త్రిపాఠి. ఈ సినిమా మంచి సక్సెస్ కావడంతో ఈమె తదుపరి వరుస సినిమాలలో నటిస్తూ టాలీవుడ్ ఇండస్ట్రీలో ఎంతో బిజీగా గడుపుతున్నారు. ఇక ఇటీవల ఈ మెగా ఇంటికోడలుగా అడుగుపెట్టిన సంగతి మనకు తెలిసిందే.

వీరిద్దరూ కలిసి గతంలో అంతరిక్షం మిస్టర్ అనే సినిమాలలో నటించారు. ఈ సినిమా సమయంలో ప్రేమలో పడినటువంటి ఈ జంట రహస్యంగా ప్రేమ ప్రయాణం చేస్తూ గత ఏడాది నవంబర్ ఒకటో తేదీ ఇటలీలో ఎంతో ఘనంగా వివాహం చేసుకున్నారు. ఇక పెళ్లి తర్వాత లావణ్య త్రిపాఠి నటించినటువంటి మిస్ పర్ఫెక్ట్ అనే వెబ్ సిరిస్ ఇటీవల ప్రేక్షకుల ముందుకు వచ్చిన సంగతి తెలిసిందే.

ఈ సిరీస్ ప్రమోషన్ కార్యక్రమాలలో భాగంగా ఈమె వరుస ఇంటర్వ్యూలలో పాల్గొంటున్నారు ఈ ఇంటర్వ్యూ సందర్భంగా తన నిక్ నేమ్ గురించి ఇటీవల లావణ్య త్రిపాఠి బయట పెట్టడంతో అందరూ ఆశ్చర్యం వ్యక్తం చేశారు. తనని చిన్నప్పటినుంచి అందరూ కూడా చున్ చున్ అంటూ పిలిచేవారని అదే నా నిక్ నేమ్ అంటూ చెప్పుకోవచ్చు.

రైమ్ పాడేదాన్ని…

చిన్నప్పుడు నేను ఒక రైమ్ బాగా పాడేదాన్ని అందులో ఈ చున్ చున్ పదాలు రావడంతో అందరూ చిన్నప్పటి నుంచి నన్ను అలాగే పిలిచేవారు అంటూ ఈమె తన నిక్ నేమ్ చెప్పడంతో అందరూ చాలా వెరైటీగా ఉంది మీ నిక్ నేమ్ అంటూ కామెంట్ చేస్తున్నారు. ఈమె నటించిన ఈ సిరీస్ ఎంతో మంచి గుర్తింపు సంపాదించుకుంది.