క్లైమాక్స్ కోసం చెమటలు చిందిస్తున్న మెగా హీరో!

సాధారణంగా సినిమాలలో నటించే హీరోలు ఎప్పుడు ఓకే స్టైల్ మెయింటెన్ చేయాలంటే కుదరని పని. ఒక్కో సినిమాకు ఒక్కో విధమైనటువంటి స్టైల్, శరీరాకృతిని మెయింటెన్ చేయాల్సి ఉంటుంది. కథానుసారంగా వారి శరీరాన్ని మార్చుకోవాల్సి ఉంటుంది. ఈ క్రమంలోనే హీరోలు కథకు తగ్గట్టుగా శరీరాకృతిని మెయింటైన్ చేయడానికి ఎంతో కష్టపడుతుంటారు.

ముఖ్యంగా స్పోర్ట్స్ బ్యాక్ డ్రాప్ లో తెరకెక్కే సినిమాల గురించి ప్రత్యేకంగా చెప్పాల్సిన పనిలేదు. ఈ సినిమాలో నటించే హీరోల శరీరాకృతి కండలు తిరిగి ఉండాల్సిందే. ఇలాంటి పాత్రలలో నటించే హీరోలు అధిక మొత్తంలో చెమట చిందించాల్సి ఉంటుంది.

ప్రస్తుతం ఈవిధంగా చెమటలు చెందించి కండలు తిరిగే శరీరాకృతిని మెయింటైన్ చేయడానికి తెగ కష్టపడుతున్నాడు మెగా హీరో వరుణ్ తేజ్. ప్రస్తుతం వరుణ్ తేజ్ హీరోగా కిరణ్ కొర్రపాటి దర్శకత్వంలో “గని” చిత్రంలో నటిస్తున్న సంగతి మనకు తెలిసిందే. బాక్సింగ్ నేపథ్యంలో తెరకెక్కుతున్న ఈ సినిమాలో వరుణ్ తేజ్ బాక్సర్ గా కనిపించనున్నారు.

బాక్సింగ్ నేపథ్యంలో తెరకెక్కుతున్న ఈ సినిమాలో వరుణ్ తేజ్ కండలు తిరిగిన శరీరం పెంచడంకోసం తెగ కష్టపడుతున్నాడు. ఈ క్రమంలోనే జిమ్ లో కష్టపడుతూ చెమటలు చిందిస్తున్నాడు. ఈ క్రమంలోనే దీనికి సంబంధించిన వీడియోను సోషల్ మీడియా ద్వారా షేర్ చేస్తూ  ‘హార్డ్‌వర్క్‌కు బ్యాక్‌ అప్‌ అంటూ ఉండదు’ అనే క్యాప్షన్ ఇచ్చాడు. ప్రస్తుతం ఈ వీడియో సోషల్ మీడియాలో వైరల్ గా మారింది. ఈ సినిమాలో వరుణ్ తేజ్ సరసన సయూ మంజ్రేకర్‌ హీరోయిన్ గా నటిస్తున్నారు. ప్రస్తుతం ఈ సినిమా షూటింగ్ క్లైమాక్స్ దశకు చేరుకుంది.