Vasantha kokila : 35 ఏళ్ల తరువాత కలిసి నటించిన రమప్రభ, శరత్ బాబు…!

Vasantha Kokila : ఇండస్ట్రీలో ఎంతమంది నటీనటులు వారు కలిసి సినిమాల్లో పనిచేసిన వారిని ప్రేమించి పెళ్లి చేసుకుంటూ ఉంటారు. అలా పెళ్లి చేసుకున్న జంటల్లో కొంతమంది కలిసి ఉంటే మరి కొంతమంది కొద్దిరోజులకే విడిపోతుంటారు. అలా పెళ్లి చేసుకున్న కొద్ది రోజులకే విడిపోయిన జంట రమాప్రభ, శరత్ బాబు. రమాప్రభ కంటే వయసులో చిన్నవడైన శరత్ బాబును ప్రేమించిన రమాప్రభ గారు ఆ తరువాత ఆయనను పెళ్లి చేసుకున్నారు. అయితే పెళ్ళైన కొద్ది కాలానికి ఇద్దరూ మనస్పర్తలతో విడిపోయారు. ఇక విడిపోయాక శరత్ బాబు పేరును తలుచుకోడానికి కూడా ఇష్టపడలేదు రమాప్రభ. ఇక అలాంటి వాళ్లిద్దరూ మళ్ళీ ముప్పై ఐదేళ్ల తరువాత కలిసి నటించారు.

వసంతకోకిల సినిమాలో నటించిన రమాప్రభ, శరత్ బాబు…

వాల్తేరు వీరయ్య సినిమాలో విలన్ గా నటించిన బాబీ సింహ తాజాగా వసంత కోకిల అనే థ్రిల్లర్ సినిమాలో నటించారు. అందులో కాశ్మీరా పరదేశి హీరోయిన్ గా నటించగా ఇప్పటికే విడుదల అయిన టీజర్ ఆకట్టుకుంది. అయితే ఈ వసంత కోకిల త్రిభాష చిత్రంగా రూపొందగా ఇందులో ముప్పై ఐదేళ్ల తరువాత ఈ సినిమాలో రమాప్రభ, శరత్ బాబు కలిసి నటించారు.

అయితే ఇద్దరూ ఒకే ఫ్రేమ్ లో కలిసి నటించక పోయినా ఇద్దరూ కీలక పాత్రల్లో నటించడం రమాప్రభ గారు చాలా రోజుల తరువాత మళ్ళీ నటించడం విశేషం. రమణన్ పురుషోత్తమ రచన మరియు దర్శకత్వం వహించిన వసంత కోకిల సినిమాకు గోపి అమర్‌నాథ్ సినిమాటోగ్రఫీ అందిస్తున్నారు. ఈ చిత్రానికి సంగీతం రాజేష్ మురుగేశన్ స్వరాలు సమకుర్చారు. వివేక్ హర్షన్ ఎడిటర్‌గా ఉన్నారు. SRT ఎంటర్‌టైన్‌మెంట్స్ తెలుగు రాష్ట్రాల్లో వసంత కోకిల తెలుగువెర్షన్ విడుదల చేస్తుండగా, తమిళం మరియు కన్నడ భాషల్లో ఒకేసారి మూడు భాషలలో సినిమా విడుదల కానుంది.