Polaaki Vijay: ‘ఊ అంటావా మామా’ కొరియోగ్రాఫర్ క్రేజ్ మామూలుగా లేదుగా.. ఒక్క పాటతో లైఫ్ మారిపోయింది..

Polaaki Vijay: టాలెంట్, కష్టపడే తత్వం ఉండాలే కానీ.. ఎప్పుడో ఒకప్పుడు పైకిరావడం ఖాయం. ఇక సినిమా ఇండస్ట్రీలో అయితే టాలెంట్ ఉంటే అవకాశాలకు కొదవ ఉండదు. టెక్నీషియన్ల వర్క్ నచ్చితే స్టార్లను వారిని ఎంకరేజ్ చేస్తూనే ఉంటారు. అలాంటి వాళ్లతోనే వర్క్ చేసేందుకు ఇష్టపడుతుంటారు.

అది డైరెక్టర్లు కావచ్చు, మ్యూజిక్ కంపోజర్లు కావచ్చు, కొరియో గ్రాఫర్లు కావచ్చు. టాలెంట్, హార్డ్ వర్క్ ఉన్నవారికి సినీరంగం ఎప్పుడూ అవకాశాలు ఇస్తూనే ఉంటుంది.  తాజాగా పుష్ప సినిమాకు కొరియోగ్రాఫర్ గా పనిచేసిన విజయ్ పోలంకికి ఇలాంటి ఎంకరేజ్మెంటే దొరుకుతోంది. అల్లు అర్జున్, సమంత వంటి స్టార్లతో ప్రశంసలు అందుకుంటున్నాడు ఈ యంగ్ కొరియోగ్రాఫర్.

ఓ ప్యాన్ ఇండియా సినిమాకు కొరియోగ్రఫీ చేయడం అంటే అంత సులువు కాదు. టాలీవుడ్ తో పాటు యావత్ దేశం కూడా అంతా గమనిస్తుంటుంది. అయితే ఇటీవల పుష్ప పంక్షన్ లో అల్లు అర్జున్ ప్రత్యేకంగా విజయ్ పోలంకిని పొగుడుతూ మాట్లాడారు. పుష్పలో సమంత చేసిన ‘ఊ అంటావా, ఉ ఉ అంటావా’ సాంగ్ కు కూడా విజయ్ పొలంకి యే డాన్స్ మాస్టర్. ఇతని వర్క్ సమంతాకు బాగా నచ్చింది. అందుకే బెస్ట్ విశెస్ చెబుతూ ఎంకరేజ్ చేసింది.

హీరో సినిమాలోని డోనల్ డగ్గు ర్యాప్ సాంగ్ కు..

విజయ్ పోలంకి ఇటీవల విజేత, కొబ్బరి మట్ట, తిప్పరా మీసం, పలాస 1978, అల్లుడు అదుర్స్, శశి వంటి సినిమాలకు కొరియోగ్రాఫర్ గా పనిచేశాడు. తాజాగా గల్లా అశోక్ బాబు హీరో సినిమాకు కూడా డ్యాన్స్ కంపోజ్ చేశాడు. హీరో సినిమాలోని డోనల్ డగ్గు ర్యాప్ సాంగ్ కు విజయ్ కంపోజ్ చేసిన స్టెప్పులకు సూపర్ రెస్పాన్స్ వస్తోంది. త్వరలో నరకాసురతోపాటు మరికొన్ని క్రేజీ ప్రాజెక్ట్ లకు పనిచేయబోతున్నాడు విజయ్ పోలంకి. ఈ యంగ్ కొరియోగ్రాఫర్ టాప్ కొరియోగ్రాఫర్లకు పోటీ ఇచ్చేలా కనిపిస్తున్నాడు. భవిష్యత్తులో స్టార్ కొరియోగ్రాఫర్ అయ్యే అవకాశం ఉంది