Vijaya Shanthi : సినిమాల్లో అగ్ర హీరోయిన్ గా అందరు హీరోలతో నటించి లేడీ సూపర్ స్టార్, లేడీ అమితాబ్ గా పేరు తెచ్చుకున్న విజయ శాంతి సినిమాల్లోనే కాదు రాజకీయాల్లోను తనకంటూ మంచి గుర్తింపు అందుకుంది. తెలంగాణ సెపరేట్ రాష్ట్రంగా అవతరించాలన్న ఆశయంతో తల్లి తెలంగాణ పార్టీ పెట్టి పోరాడారు. రాజకీయ ఓనమాలు బీజేపీ లో నేర్చుకున్నా ఆపైన సొంత పార్టీ పెట్టి పరిస్థుల ప్రభావం వల్ల పార్టీని తెరాస లో విలీనం చేసి అటు మళ్ళీ కాంగ్రెస్ లోకి వెళ్లి చివరకు బీజేపీలో కొనసాగుతున్న రాములమ్మ తన రాజకీయా ప్రస్థానం అలాగే సినిమాల గురించి ఇటీవల ఇంటర్వ్యూలో పంచుకున్నారు.
ఆరోజు చచ్చి బ్రతికాను…
విజయ శాంతి హీరోయిన్ గా ఎన్నో సూపర్ హిట్లు అందుకుంది. అయితే లేడీ ఓరియెంటెడ్ సినిమా అనగానే గుర్తొచ్చేది మొదట విజయ శాంతినే. ఆమె కర్తవ్యం, ప్రతిఘటన లాంటి ఎన్నో లేడీ ఓరియెంటెడ్ సినిమాలను తీసి వాటిని కూడా సూపర్ హిట్లుగా చేసారు. అలా యాక్షన్ సినిమాల్లో కూడా నటించిన విజయశాంతి ఆ సినిమాల్లో నటించేప్పుడు కొన్ని యాక్షన్ సన్నివేశాలకు డూప్ లేకుండా నటించారు. అలాంటి సినిమా షూటింగ్స్ లో చాలా సార్లు చచ్చి బతికాను అంటూ చెప్పారు. ఒక సారి ‘లేడీ బాస్’ సినిమా షూటింగ్ అరకులో చేస్తున్నపుడు ట్రైన్ సీన్ లో ఒక బోగీ నుండి మరో బోగీకి మారాలి, ఆ సమయంలో ప్రమాదం జరిగింది అలానే మరో సినిమా విజయ్ కాంత్ తో చేసినపుడు మంటలు అంటుకున్నాయి, విజయ్ కాంత్ గారు కాపాడారు అంటూ చెప్పారు.
ఇక మరోసారి చిరంజీవి, బాలకృష్ణ ఇలా అందరూ ఇండస్ట్రీకి చెందిన వారు ఫ్లైట్ ఆక్సిడెంట్ కి గురై నపుడు అందులో విజయశాంతి కూడా ఉన్నారు. 93 లో జరిగిన ఈ సంఘటనలో అసలు ఏం జరిగిందో ఎవరికీ అర్థం కాలేదు. దీపావళి పండగ కోసం చెన్నై వెళ్లిన వాళ్ళు మళ్ళీ హైదరాబాద్ కి షూటింగ్స్ కోసం తిరిగి వెళ్తుండగా తిరుపతి శ్రీకాళహస్తి మధ్య పంట పొలాల్లో విమానం లాండ్ చేసారు. ఆ సంఘటన ఎవరూ మరచిపోలేము. ఆ పొలాల్లో ఒక పెద్ద బండ రాయి ఉంది, సరిగ్గా ఆ బండ రాయి కి కొంచెం ముందు విమానం ఆగిపోయింది. కొంచెం తగిలి ఉన్నా ముందు వరుసలో కూర్చున్న వారిలో నేను ఉన్నాను మేమంతా పోయేవాళ్ళం అంటూ చెప్పారు. ఇక మొదటి సినిమా కు 5000 వేల రెమ్యూనరేషన్ తీసుకున్న విజయశాంతి హీరోయిన్ గా పీక్స్ లో ఉన్నపుడు కోటి రూపాయల వరకు రెమ్యూనరేషన్ తీసుకున్నారట. అప్పట్లో కోటి రెమ్యూనరేషన్ తీసుకున్న వారిలో అమితాబ్, రజినీకాంత్ తరువాత విజయశాంతినే అని అప్పట్లో మ్యాగజైన్స్ లో కూడా వచ్చిందంటూ విజయశాంతి పంచుకున్నారు.
హైదరాబాద్, సికింద్రాబాద్ వంటి జంటనగరాల్లోనే కాకుండా విశాఖపట్నం, విజయవాడ, బళ్ళారి, కాకినాడ, గుంటూరు, కర్నూల్, ఒంగోలు, నెల్లూరు, రాజమండ్రి వంటి…
ప్రతి మహిళ జీవితంలో నెలసరి ఒక సహజమైన శారీరక ప్రక్రియ. ఈ సమయంలో ఉపయోగించే శానిటరీ ఉత్పత్తులు ఆరోగ్యాన్ని, సౌకర్యాన్ని…
భారత క్రికెట్ అభిమానుల్లో అత్యధిక మద్దతు ఉన్న ఆటగాళ్లలో వికెట్ కీపర్ బ్యాటర్ సంజూ శాంసన్ ఒకరు. అతను జట్టులో…
తెలంగాణ ప్రభుత్వం ప్రభుత్వ పాఠశాలల్లో చదివే విద్యార్థులకు మరో కీలక శుభవార్త చెప్పింది. డిజిటల్ విద్యను మరింత బలోపేతం చేయడంతో…
ఆంధ్రప్రదేశ్‌లోని డ్వాక్రా (DWCRA) మహిళలకు రాష్ట్ర ప్రభుత్వం శుభవార్త అందించింది. మహిళా స్వయం సహాయక సంఘాల ఆర్థిక భారం తగ్గించే…
బెంగళూరులోని ప్రముఖ ఐటీ సంస్థ క్యాప్‌జెమిని (Capgemini) క్యాంపస్‌లో ఉన్న డే కేర్ సెంటర్‌లో చిన్నారిపై జరిగిన అమానుష ఘటన…