Balakrishna: మరో వివాదంలో బాలయ్య… క్షమాపణలు చెప్పాలంటూ డిమాండ్ చేసిన నర్సింగ్ సంఘం!

Balakrishna: హీరోగా సినిమా ఇండస్ట్రీలో ఎంతో పేరు ప్రఖ్యాతలు సంపాదించుకున్న బాలకృష్ణ ఈ మధ్యకాలంలో వరుస వివాదాలలో నిలుస్తున్నారు. ఈ క్రమంలోనే వీర సింహారెడ్డి సినిమా ప్రమోషన్ కార్యక్రమాలలో భాగంగా ఈయన ఓ కులం వారి గురించి తప్పుగా మాట్లాడటంతో సదురు కులస్తులకు బాలయ్యే క్షమాపణలు చెప్పాల్సి వచ్చింది.

అదేవిధంగా అక్కినేని గురించి కూడా ఈయన వివాదాస్పద వ్యాఖ్యలు చేసి పెద్ద ఎత్తున వార్తల్లో నిలిచారు. ఇలా వరుసగా వివాదాలలో చిక్కుకుంటున్న బాలకృష్ణ తాజాగా మరోసారి మరో వివాదంలో చిక్కుకున్నారు. ఈ క్రమంలోనే బాలకృష్ణ వ్యాఖ్యాతగా వ్యవహరిస్తున్నటువంటి అన్ స్టాపబుల్ కార్యక్రమం ఎంతో మంచి ఆదరణ సంపాదించుకుంది.

ఈ కార్యక్రమంలో భాగంగా పవన్ కళ్యాణ్ పాల్గొన్న విషయం మనకు తెలిసిందే. ఈ క్రమంలోనే పవన్ కళ్యాణ్ ఎపిసోడ్లో భాగంగా బాలకృష్ణ తనకు రోడ్ యాక్సిడెంట్ జరిగిన విషయం గురించి గుర్తు చేసుకున్నారు. తాను కాలేజీ చదివే రోజుల్లో ఎక్కువగా బైక్ పై వెళ్లే వాడిని తెలిపారు. అయితే ఓ రోజు రోడ్డు క్రాస్ చేస్తుండగా మరొక బైక్ వచ్చి తనని ఢీ కొట్టిందని తెలిపారు.

Balakrishna బాలయ్య క్షమాపణలు చెప్పాల్సిందే…

ఇలా ప్రమాదం జరగడంతో తనని హాస్పిటల్ కి తీసుకువెళ్లారని అయితే తనకు ఆ సమయంలో వైద్యం అందిస్తున్నటువంటి నర్స్ గురించి ఈయన తప్పుగా మాట్లాడారు. దానెమ్మ ఆ నర్స్ ఏమో భలే అందంగా ఉంది.మొహం క్లీన్ చేస్తూ తనని ఏమైంది అంటూ అడిగారు నేను యాక్సిడెంట్ అయిందని చెప్పాను అని బాలయ్య తెలిపారు. అయితే ఒక నర్స్ ను పట్టుకొని ఇలా అగౌరవంగా మాట్లాడటంతో ఆంధ్రప్రదేశ్ నర్సింగ్ సంక్షేమ సంఘం రాష్ట్ర అధ్యక్షుడు ప్రసాద్ ఓ ప్రకటనలో బాలకృష్ణ క్షమాపణలు చెప్పాలి అంటూ డిమాండ్ చేశారు.