ఇదేం ప్రీ వెడ్డింగ్ ఫోటో షూట్ రా బాబు… అంటూ ఫైర్ అవుతున్న నెటిజన్లు..!

మన జీవితంలో వివాహం అనేది ఎంతో ముఖ్యమైన వేడుక. ఈ పెళ్లి వేడుక పది కాలాలపాటు గుర్తుగా ఉండాలని ఎంతో ఘనంగా వివాహం జరుపుకుంటారు. ఈ క్రమంలోనే ప్రస్తుత కాలంలో పెళ్లి అంటే భారీ స్థాయిలో ఫోటో షూట్లు, వీడియోలు ఉంటాయి. ఇకపోతే కొన్ని జంటలు వివాహానికి కంటే ముందుగా ప్రీ వెడ్డింగ్ షూట్ ను చేస్తుంటారు. ఈ క్రమంలోనే వెడ్డింగ్ షూట్ కోసం చాలా మంది ప్రాణాలను ప్రమాదంలో పెడుతుంటారు. ఇలాంటి ఎన్నో సంఘటనల గురించి మనం వినే ఉంటాం.

తాజాగా ఓ జంట ఈ విధంగానే ఫ్రీ వెడ్డింగ్ షూట్ నిర్వహించుకున్నారు.ఈ క్రమంలోనే ఈ వెడ్డింగ్ షూట్ కి సంబంధించిన ఫోటోలను సోషల్ మీడియాలో షేర్ చేయడంతో ఈ ఫోటోలు కాస్తా వైరల్ గా మారాయి. ఈ ఫోటోలు చూసిన నెటిజన్లు ఈ జంట పై ఓ రేంజ్ లో మండిపడుతూ ఆగ్రహం వ్యక్తం చేస్తున్నారు. ఇంతకీ ఆ జంట చేసిన పని ఏమిటి.. నెటిజన్లు ఎందుకంత ఆగ్రహం వ్యక్తం చేస్తున్నారో ఇక్కడ తెలుసుకుందాం…

అమెరికాకు చెందిన ఓ జంట ఫ్రీ వెడ్డింగ్ షూట్ ను నిర్వహించారు. ఈ వెడ్డింగ్ షూట్ ఎంతో భిన్నంగా ఉండాలనే ఉద్దేశంతో ఆ జంట గతంలో అమెరికాలో కొనసాగిన బానిసత్వం తీమ్ ద్వారా ఫోటో షూట్ నిర్వహించారు.ఈ క్రమంలోనే వారు ఉపయోగించే వస్తువులను నుంచి దుస్తుల వరకు అప్పటి కాలానికి చెందినవిగా ఉండేలా జాగ్రత్తలు తీసుకున్నారు. ఈ విధంగా ఫోటో షూట్ నిర్వహించుకున్న ఈ జంటకు సంబంధించిన ఫోటోలను ఒక టిక్ టాకర్ సోషల్ మీడియాలో షేర్ చేయడంతో ఈ ఫోటోలు కాస్తా నెట్లో తెగ చక్కర్లు కొట్టేస్తూ దారుణంగా ట్రోలింగ్ కు గురయ్యాయి.

ఈ క్రమంలోనే నెటిజన్లు అందరూ తీవ్రస్థాయిలో ఆగ్రహం వ్యక్తం చేయడంతో సదరు టిక్ టాకర్ ఆ వీడియోను డిలీట్ చేశాడు. ఈ ఫోటో షూట్ లో ఉన్న జంటలో అమ్మాయి వైట్ అమెరికన్ కాగా, అబ్బాయి బ్లాక్ అమెరికన్. ఈ ఫోటోలో అబ్బాయి ఒక బానిసగా మనకు కనిపిస్తాడు. గుబురు చెట్ల మధ్యలో సాగిన ఈ ఫోటో షూట్ చూస్తుంటే అప్పటికాలంలో చెరుకు తోటలలో బానిసలుగా పనిచేసిన వ్యక్తులుగా కనిపిస్తారు. ఈ క్రమంలోనే ఈ ఫోటోలు చూసిన నెటిజన్లు పెద్ద ఎత్తున ఈ జంటపై ఆగ్రహం వ్యక్తం చేస్తున్నారు. ప్రస్తుతం ఈ ఫోటోలు సోషల్ మీడియాలో వైరల్ గా మారాయి