Vishwak Sen New film got hit talk : అశోక వనములో సినిమా హిట్ టాక్ కి కారణం టీవీ 9 దేవి నాగవల్లినేనా.. విశ్వక్ థాంక్స్ చెప్పాలి మరి..!

Vishwak Sen New film got hit talk : విశ్వక్ దేవి నాగవల్లి వివాదం ముగిసిందో లేదో తెలియదు కానీ ఈ వివాదంవల్ల లాభపడింది మాత్రం విశ్వక్కే. అసలు విశ్వక్ ఈ వివాదంలో చిక్కుకోడానికి కారణమైన ప్రాంక్ చేసిందే సినిమాకు ప్రమోషన్స్ కోసం. ఇక ఆ ప్రాంక్ ను కాస్త టీవీ9 డిబేట్ పెట్టి విశ్వక్ ను ఏకిపారేయడంతో విశ్వక్ నేరుగా టీవీ9 స్టూడియోకి వెళ్లి దేవితో వాగ్వాదానికి దిగడంతో దేవి విశ్వక్ ను పాగల్, డిప్రెస్డ్ పర్సన్ అనడాన్ని విశ్వక్ తప్పు పట్టడం ఇక దేవి గెట్ అవుట్ అనడంతో విశ్వక్ సహనం కోల్పోయి ఎఫ్ పదం వాడడంతో వివాదం తారస్థాయికి చేరి ఇక దేవి నాగవల్లి మంత్రి కి ఫిర్యాదు చేయడం సోషల్ మీడియాలో విశ్వక్ కు మద్దతు పెరగడం చూసాము.

అశోక వనములో సినిమాకు ప్లస్ అయిన వివాదం….

ఇక ఈ రచ్చలోనే విశ్వక్ నటించిన అశోక వనములో అర్జున కళ్యాణం సినిమా విడుదలయింది. సినిమా హిట్ టాక్ తెచ్చుకొని దూసుకుపోతోంది. మాములుగా అయ్యుంటే సినిమాకు టాక్ ఎలా ఉండేదో తెలియదు కానీ వివాదం వల్ల విశ్వక్ కు పెరిగిన సింపతీ వల్ల అభిమానులే కాకుండా మాములు ప్రేక్షకులు కూడా సినిమా మొదటి రోజు చూడడానికి ఆసక్తి చూపించారు.

సినిమా కథ పెళ్లి, పెళ్లికాని ప్రసాద్ కాన్సెప్ట్ తో కొత్త కథ ఏమి కాకపోయినా సినిమా మాత్రం హిట్ అయినట్టే. ఇదంతా దేవి నాగవల్లి చలవే అని చాలా మంది నెటిజన్లు అభిప్రాయపడుతున్నారు. అందుకే విశ్వక్, దేవి నాగవల్లికి ఈ విషయంలో కృతజ్ఞతలు చెప్పాలని డిమాండ్ చేస్తున్నారు. మొత్తానికి సినిమాకు ప్రొమోషన్స్ కోసం ప్రాంక్ చేసిన విశ్వక్ తాను అనుకున్నదానికంటే ఎక్కువ ప్రచారాన్ని ఈ సినిమాకు పొంది విజయాన్ని అందుకున్నాడు.