Chiranjeevi: పిఠాపురంలో పవన్ కళ్యాణ్ ను గెలిపించండి.. చిరంజీవి కామెంట్స్ వైరల్!

Chiranjeevi: ఏపీలో మరొక ఐదు రోజులలో ఎన్నికలు జరగబోతున్నాయి ఈ క్రమంలోనే ఉత్కంఠత నెలకొంది ముఖ్యంగా పిఠాపురం నియోజకవర్గం పై అందరి ఆసక్తి ఉంది పిఠాపురంలో పవన్ కళ్యాణ్ పోటీ చేస్తున్నటువంటి తరుణంలో ఆయన గెలుపు కోసం ఇప్పటికే పెద్ద ఎత్తున సినిమా సెలబ్రిటీలు అందరూ కూడా పిఠాపురంలో పర్యటనలు చేశారు.

ఇక మెగాస్టార్ చిరంజీవి సైతం పిఠాపురం వచ్చి ప్రచార కార్యక్రమాలలో పాల్గొంటారని వార్తలు వచ్చాయి కానీ చిరంజీవి ఎన్నికల ప్రచారానికి దూరంగా ఉన్నారని తెలుస్తోంది. కానీ ఆయన మాత్రం తన తమ్ముడికి గెలుపు కోసం తనవంతు కృషి చేస్తూనే వచ్చారు. ఇకపోతే ఎన్నికలకు సమయం దగ్గర పడుతున్నటువంటి తరుణంలో సోషల్ మీడియా వేదికగా పవన్ కళ్యాణ్ ను గెలిపించాలి అంటూ చిరంజీవి షేర్ చేసిన వీడియో వైరల్ అవుతుంది.

ఈ సందర్భంగా చిరంజీవి సోషల్ మీడియా వేదికగా స్పందిస్తూ అమ్మ కడుపున ఆఖరి పుట్టిన వాడైన జనం కోసం ముందు నిలబడ్డారు. అధికారంలో లేకపోయినా పవన్ కళ్యాణ్ ఎంతోమంది కౌలు రైతులకు కన్నీటిని తుడిచారు. సరిహద్దులలో ఉన్నటువంటి జవాన్లకు సహాయం చేశారు అధికారం లేకపోయినా ఇంత చేశారు అంటే అధికారంలోకి వస్తే ఇంకెంత మంచి చేస్తారని ప్రశ్నించారు.

చట్టసభలలో గొంతు వినిపించాలి..
తాను బలంగా నమ్మిన సిద్ధాంతాల కోసం జీవితాన్ని రాజకీయాలకు అంకితం చేసిన శక్తిశాలి పవన్ కళ్యాణ్. ప్రజల కోసం ఆ శక్తిని వినియోగించాలి అంటే చట్టసభలలో గొంతు వినిపించాలంటే పిఠాపురం సభ్యులందరూ ఆయనని గెలిపించాలని కోరుతూ వీడియో చేశారు పవన్ కళ్యాణ్ సినిమాలలోకి చాలా అయిష్టంతో వచ్చారు. కానీ రాజకీయాలలోకి చాలా ఇష్టంగా వచ్చారని ప్రజలందరూ ఓట్లు వేసి తనను గెలిపించాలని కోరుతూ చిరంజీవి షేర్ చేసిన ఈ వీడియో వైరల్ అవుతుంది.