Manchu Lakshmi: ఏంటి మంచు లక్ష్మి హెయిర్ నిజమైనది కాదా… ట్రాన్స్ ప్లాంటేషన్ చేయించుకుందా?

Manchu Lakshmi: సీనియర్ నటుడు మోహన్ బాబు కూతురుగా ఇండస్ట్రీలోకి అడుగుపెట్టిన మంచు లక్ష్మి నటిగా గుర్తింపు పొందడం కోసం సరికొత్త ప్రయత్నాలు చేస్తూ ఎప్పటికప్పుడు ప్రేక్షకుల ముందుకు వస్తున్నారు. ఈ విధంగా ఈమె ఎన్నో విభిన్న కథా చిత్రాల ద్వారా ప్రేక్షకుల ముందుకు వచ్చినప్పటికీ అనుకున్న స్థాయిలో గుర్తింపు పొందలేదు. ఇకపోతే ప్రస్తుతం పలు సినిమాలతో బిజీగా ఉన్న మంచులక్ష్మి సోషల్ మీడియాలో కూడా ఎంతో యాక్టివ్ గా ఉంటూ తనకు సంబంధించిన విషయాలను అభిమానులతో పంచుకుంటారు.

మంచు లక్ష్మి సోషల్ మీడియా వేదికగా ఏ చిన్న పోస్ట్ పెట్టిన నెటిజన్లు పెద్ద ఎత్తున తనని ట్రోల్ చేయడం చేస్తుంటారు. ఇదివరకు ఇలా ఎన్నో సార్లు లక్ష్మీ మంచు అభిమానుల నుంచి చేదు అనుభవాలను ఎదుర్కొన్నారు.తాజాగా మంచు లక్ష్మి ఎంతో అందంగా తయారయ్యి చుడీదార్ వేసుకుని ఉన్నటువంటి వీడియోని సోషల్ మీడియా వేదికగా షేర్ చేశారు.

ఇక వీడియో సోషల్ మీడియాలో వైరల్ కావడంతో ఎంతో మంది లక్ష్మీ మంచు అభిమానులు చాలా అందంగా ఉన్నావు అంటూ కామెంట్ చేయగా మరికొందరు క్యూట్ అంటూ పెద్ద ఎత్తున ఈ వీడియోపై ప్రశంశల వర్షం కురిపిస్తున్నారు. మరికొందరైతే ఏకంగా ఈమె బాలీవుడ్ హీరోయిన్ సోనమ్ కపూర్ తో పోల్చారు.ఈ విధంగా అందరూ తన పై ప్రశంసలు కురిపిస్తూ ఉండగా ఒక నెటిజన్ మాత్రం మంచు లక్ష్మి మీరు హెయిర్ ట్రాన్స్ప్లాంటేషన్ చేయించుకున్నారా.. అని ప్రశ్నించారు.

ఫోర్ హెడ్ ఎలా కవర్ చేశారు..

మరీ మీ ఫోర్ హెడ్ ఎలా కవర్ చేశారంటూ కామెంట్ పెట్టారు. ఈ క్రమంలోనే ప్రతి ఒక్కరూ అవును కదా అంటూ సందేహం వ్యక్తం చేస్తున్నారు. మొత్తానికి మంచు లక్ష్మి చిన్న పోస్ట్ పెట్టినా కూడా వైరల్ అవుతూ పలు సందేహాలకు దారి తీస్తూ ఉంటుంది. ఈ క్రమంలోనే గత కొద్ది రోజుల క్రితం షూస్ ముందు పెట్టుకున్న ఫోటోని షేర్ చేయడంతో కొందరు చెప్పుల షాపు పెట్టుకున్నావా అంటూ కామెంట్ చేశారు. ఇలా నిత్యం ఏదో ఒక విధంగా నెటిజన్ల ట్రోలింగ్ కి గురవుతూ ఉంటారు.