Yemaya Chesave 2: తెరపైకి రాబోతున్న ఏం మాయ చేసావే 2…. హీరోయిన్ ఎవరో తెలిస్తే షాక్ అవ్వాల్సిందే!

Yemaya Chesave 2: గౌతమ్ మీనన్ దర్శకత్వంలో సమంత నాగచైతన్య జంటగా నటించిన చిత్రం ఏం మాయ చేసావే. ఈ సినిమా అప్పట్లో ఎలాంటి సంచలనాలను సృష్టించిన మనకు తెలిసిందే. సమంత మొట్టమొదటి సినిమాని బ్లాక్ బస్టర్ కావడమే కాకుండా ఈ సినిమా చూసిన తర్వాత ఎంతోమంది స్టార్స్ ప్రేమలో పడ్డారు.

ఇక ఈ సినిమా సమయంలోనే సమంత నాగచైతన్య మధ్య ప్రేమ ఏర్పడటం ఆ ప్రేమ పెళ్లి వరకు దారి తీయడం జరిగింది. ఇలా ప్రేమించుకుని పెళ్లి చేసుకున్నటువంటి సమంత నాగచైతన్య కొన్ని కారణాలవల్ల విడిపోయారు. అయితే తాజాగా ఏం మాయ చేసావే సినిమా సీక్వెల్ చిత్రం గురించి ఓ వార్త సోషల్ మీడియాలో వైరల్ గా మారింది.

ఈ సినిమాకు సీక్వెల్ రాబోతుంది అంటూ గౌతమ్ మీనన్ ఓ సినిమా ప్రమోషన్ కార్యక్రమాలలో తెలియజేశారు. ప్రస్తుతం ఈ సినిమా స్క్రిప్ట్ పనులు జరుగుతున్నాయని ఈయన తెలిపారు. తాజాగా ఈ సినిమాకు సంబంధించిన ఓ వార్త చెక్కర్లు కొడుతుంది. ఈ సినిమాలో సమంత నాగచైతన్య ఇద్దరు విడిపోయిన తర్వాత వారి జీవితంలో ఎలాంటి స్ట్రగుల్స్ ఎదుర్కొన్నారు అనే కథాంశంతో స్క్రిప్ట్ సిద్ధం చేశారని వార్తలు వస్తున్నాయి.

Yemaya Chesave 2: నాగచైతన్యతో జతకట్టనున్న రష్మిక..

ఈ సినిమాలో సమంత హీరోయిన్ గా కాకుండా సమంత స్థానంలో రష్మిక నటించబోతుందని తెలుస్తోంది. ఇలా రష్మిక ఈ సినిమాలో నటించే అవకాశాన్ని అందుకున్నట్లు సమాచారం.ఏది ఏమైనా ఏ మాయ చేసావే సినిమాలో కలిసి నటించి ప్రేమించుకుని పెళ్లి చేసుకున్నటువంటి సమంత నాగచైతన్య విడిపోవడం అందరిని చాలా ఆశ్చర్యానికి గురిచేసింది.ఇక సినిమాలో కూడా వీరిద్దరూ విడిపోయినట్లు చూపించబోతున్నారని తెలియడంతో ఈ సినిమాపై కూడా ఆసక్తి నెలకొంది.