మీనా లైఫ్ లో చేసిన సరిదిద్దుకోలేని తప్పులు ఏంటో తెలుసా !?

సినిమా ఇండస్ట్రీలో హీరోలకు ఎంత క్రేజ్ ఉంటుందో హీరోయిన్లకు కూడా అంతే క్రేజ్ ఉంటుంది అనేది ప్రత్యేకంగా చెప్పాల్సిన పనిలేదు. ఎందుకంటే అప్పట్లో చాలామంది హీరోయిన్లు హీరోలతో పాటు సమానమైన క్రేజ్ ను సంపాదించుకొని సినిమా విజయంలో కీలక పాత్రను పోషిస్తూ ఉండేవారు. అలాంటి వాళ్ళలో సౌందర్య లాంటి హీరోయిన్లు మొదటి వరుసలో ఉంటే రమ్యకృష్ణ, మీనా లాంటి హీరోయిన్లు ఆమె తర్వాత అంత గొప్ప విజయాలను అందుకొని నటులుగా మంచి గుర్తింపు సాధించుకున్నారు.

ముఖ్యంగా మీనా అయితే ‘సీతారత్నం గారి మనవరాలు’ సినిమాతో ఇండస్ట్రీకి హీరోయిన్ గా ఎంట్రీ ఇచ్చి మంచి గుర్తింపు సాధించుకున్నారు. ఆ తర్వాత వరుసగా అగ్ర హీరోలందరితో సినిమాలను చేస్తూ ఇండస్ట్రీలో తనకంటూ మంచి గుర్తింపు సంపాదించుకున్నారు అని చెప్పాలి. ముఖ్యంగా చిరంజీవి, నాగార్జున, బాలకృష్ణ, వెంకటేష్ లాంటి అగ్ర హీరోలందరితో అప్పట్లో చాలా సినిమాల్లో నటించి నటులుగా మంచి గుర్తింపు సాధించుకున్నారు. అప్పట్లో వరుసగా హిట్ల మీద హిట్లు కొడుతూ ఇండస్ట్రీలో సక్సెస్ ఫుల్ హీరోయిన్ గా కూడా మీనా మంచి గుర్తింపు సాధించుకున్నారు. అయితే వాళ్ళ అమ్మ చాలా స్ట్రిక్ట్ రూల్స్ పెట్టి ఇండస్ట్రీకి పంపించారు అన్న విషయం అందరికి తెలిసిందే. అయితే తన డేట్స్ కావాలంటే వాళ్ళ అమ్మని అడగాల్సిందే. వాళ్ళ అమ్మ ఎలా చెప్తే అలా వినేది మీనా. అందులో భాగంగానే చాలా సక్సెస్ ఫుల్ సినిమాలు చేయాల్సిన మీనా కొన్ని సినిమాలను మిస్ చేసుకుంది.

అందులో చాలా సినిమాలు ఉన్నప్పటికీ ఒక రెండు సినిమాలు మిస్ చేసుకున్నందుకు మాత్రం మీనా ఇప్పటికీ చాలా బాధపడుతూ ఉంటారు. అందులో మొదటిది కృష్ణవంశీ దర్శకత్వంలో నాగార్జున హీరోగా వచ్చిన ‘నిన్నే పెళ్ళాడుతా’ సినిమాలో మీనా నే హీరోయిన్ గా తీసుకుందాం అనుకున్నారు. ఆవిడకి స్టోరీ కూడా చెప్పారు. నాగార్జున కూడా అప్పటికే సక్సెస్ లో ఉన్న మీనానే హీరోయిన్ గా ఫిక్స్ చేద్దాం అని చెప్పారట. ఇద్దరూ కలిసి స్టోరీ అ చెప్పారు ఆ స్టోరీ మీనాకి నచ్చింది. దాంతో ఆ సినిమా చేయడానికి ఒప్పుకుంది కానీ ఆ సినిమా కోసం కృష్ణవంశీ 60 రోజులు డేట్స్ అడిగితే మీనా వాళ్ళ అమ్మ కుదరదు అని చెప్పి 20 రోజులు ఇస్తా ఇష్టం చేయండి లేకపోతే కుదరదు అని చెప్పడంతో కృష్ణవంశీ హీరోయిన్ గా టబుని తీసుకున్నాడు. సినిమా రిలీజ్ అయి మంచి విజయం సాధించడంతో హీరోయిన్ గా టబు కి మంచి పేరు వచ్చింది. అయితే మీనా ఆ సినిమా చూసిన ప్రతిసారి చాలా బాధ పడుతూ ఉంటారని చెబుతూ ఉంటారు.

అలాగే ఈ సినిమా తర్వాత కె.ఎస్.రవికుమార్ దర్శకత్వంలో రజనీకాంత్ హీరోగా వచ్చిన ‘నరసింహ’ సినిమాలో రమ్యకృష్ణ పోషించిన పాత్ర కోసం మొదటగా మీనాని అడిగారు ఆ కథని మీనా కి చెప్పిన దర్శకుడు నీలాంబరి క్యారెక్టర్ ని డీప్ గా ఎక్స్ప్లెయిన్ చేశాడు. దాంతో మీనాకి కూడా డైరెక్టర్ చెప్పిన కథలో నీలాంబరి క్యారెక్టర్ బాగా నచ్చి చేస్తాను అని చెప్పింది. కానీ అప్పటికే తను హీరోయిన్ గా టాప్ లో ఉంది అలాంటప్పుడు నెగెటివ్ క్యారెక్టర్ లో చేయడం కరెక్ట్ కాదని వాళ్ళ అమ్మ చెప్పడంతో ఆ సినిమా నుంచి తప్పుకోవాల్సి వచ్చింది. ఆ తర్వాత రమ్యకృష్ణ సినిమాలో నటించి మంచి గుర్తింపును సంపాదించుకుంది. నరసింహ సినిమా ఇండస్ట్రీలో బ్లాక్బస్టర్ హిట్ గా మిగిలింది.

ముఖ్యంగా రమ్యకృష్ణ పోషించిన పాత్ర కి రజనీకాంత్ కంటే ఎక్కువ పేరు వచ్చిందని చెప్పాలి. ఇలాంటి మంచి సినిమా మిస్ చేసుకున్నందుకు కూడా మీనా ఇప్పటికీ చాలా బాధపడుతూ ఉంటారు. ఇలా ఇండస్ట్రీలో చాలామంది హీరోయిన్లు చాలా సినిమాల్లో వారు చేయాల్సిన క్యారెక్టర్ లను మిస్ చేసుకుంటూ వాళ్లకు రావాల్సిన క్రేజ్ వేరే వాళ్ళకి వచ్చింది అని బాధపడుతూ ఉంటారు…