100 Days Movie: సినిమా ఆడకపోయిన శత దినోత్సవ ఉత్సవాలు… ఏమిటో ఈ విడ్డూరం?

100 Days Movie: ఒకానొక సమయంలో హీరోలు నటించిన సినిమాలు థియేటర్లో విడుదలయితే 100 రోజులు 200 రోజులు సినిమాలు ఆడిన సందర్భాలు ఉన్నాయి. ఇలా అప్పట్లో సినిమాలను ప్రేక్షకులు పెద్ద ఎత్తున ఆదరించేవారు.అప్పట్లో కూడా కొన్ని సినిమాలు 100 రోజులు ఆడకపోయినా థియేటర్ యాజమాన్యంతో మాట్లాడి వంద రోజులు సినిమాని ఆడే విధంగా చేసేవారు.

ఇలా అప్పట్లో సినిమాలు నిజాయితీగా వంద రోజులు ఆడిన చిత్రాలకు ఆడించిన చిత్రాలని రెండు విభాగాలుగా విభజించి చూసేవారు.అయితే ప్రస్తుతం టెక్నాలజీ పెరగడంతో సినిమా ఎన్ని రోజులు ఆడింది అనే విషయం కాకుండా ఎంత కలెక్షన్లు రాబట్టింది అనే దాని గురించి మాత్రమే ఆలోచిస్తున్నారు. ఒక సినిమా బ్రేక్ ఈవెన్ సాధించింది అంటే ఆ సినిమా హిట్ అని అర్థం.

అయితే ప్రస్తుత కాలంలో వంద రోజులు ఆడే సినిమాలు చాలా తక్కువగా ఉన్నాయని చెప్పాలి. సినిమా విడుదలైన 40 రోజులలోనే ఆ సినిమా ఓటీటీలో ప్రసారమవుతుంది తద్వారా థియేటర్లకు వెళ్లి చూసే వారి సంఖ్య కూడా క్రమక్రమంగా తగ్గిపోతుంది. ఇలాంటి తరుణంలో కొన్ని ప్రాంతాలలో థియేటర్ యాజమాన్యులకు డబ్బులు ఇచ్చి మరి 100 రోజుల పోస్టర్లు వేయిస్తున్నారు.

100 Days Movie: షోలు పడకపోయినా శత దినోత్సవమా…

ఇలా తమ హీరో సినిమా ఫలానా థియేటర్లో వంద రోజులు పూర్తి చేసుకుందని చెప్పడం కోసమే ఇలా థియేటర్ యజమానులకు డబ్బులు చెల్లించి మరి బయట వంద రోజుల పోస్టర్లు వేయిస్తున్నారని తెలుస్తోంది. సినిమాలు ఆడకపోయినా 100 రోజుల పోస్టర్లు వేసి శత దినోత్సవ సెలబ్రేషన్స్ చేసుకోవడం విడ్డూరంగా మారిపోయింది.ఈ క్రమంలోనే ఈ విషయంపై పలువురు స్పందిస్తూ… షోలు పడకపోయినా శత దినోత్సవమా అంటూ కామెంట్ చేస్తున్నారు.