2023 year prediction : కొత్త సంవత్సరం భారత దేశానికి ఎలా ఉండనుంది… కరోనా కలకలం సృష్టిస్తుందా… జోతిష్యం ఏం చెబుతోంది..!

2023 year prediction : 2023 కొత్త సంవత్సరంలోకి అడుగుపెట్టగానే ఇక ఈ ఏడాది అందరికీ మంచి జరాగాలని అందరూ ఆశిస్తున్నారు. అసలు జ్యోతిష్య శాస్త్రం ప్రకారం ఎలా ఉండనుందో జ్యోతిష్య ప్రముఖులు కళానిధి రాంబాబు గారు తెలిపారు. దేశానికి ఈ కొత్త ఏడాదిలో ఎలాంటి పరిణామలు చోటు చేసుకొనున్నాయి, కరోనా వ్యాపిస్తుందా, దేశ ఆర్థిక పరిస్థితి ఎలా ఉండనుంది అనే విషయాలను తెలుసుకుందాం.

ఈ ఏడాది కొంచెం ఇష్టం కొంచెం కష్టంగా సాగనుంది…

జనవరి 1 కన్యాలగ్నంలో రావడం వలన లగ్నాధిపతి బుధుడు, చతుర్థస్థానంలో వ్యయ స్థానంలో ఉన్న రవి తో కలిసి ఉండడం వల్ల ప్రభలమైన బుధ ఆదిత్య యోగం ఏర్పడింది. ఇక గురు గ్రహం జన్మలగ్నాన్ని వీక్షించడం వల్ల బుధ ఆదిత్య యోగం వల్ల ప్రతికూల పరిస్థితులు ఉన్న గురువు శుభ లగ్నం అవ్వడం వల్ల మంచి ఫలితాలు కూడా ఉంటాయి. దేశ జాతకంలో ప్రజల ఆరోగ్యం, హోమ్ డిపార్ట్మెంట్, అనుకూలత వంటి పలు అంశాల మీద ప్రభావం కనిపిస్తుంది. ఇక గురు గ్రహం శుభ గ్రహం కావడం వల్ల ఈ ఏడాది ప్రజలు దైవ కార్యక్రమాలను ఎక్కువగా చేస్తారు. గురువు జ్ఞానము ప్రసాదించే గ్రహం కావడం వల్ల ఎక్కువగా పూజలు వంటి ఆధ్యాత్మిక కార్యక్రమాల వైపు ప్రజలు మొగ్గు చూపుతారు. ఇక భారత ఆర్థిక పరిస్థితి కూడా ఈ ఏడాది బాగుంటుంది. మరో శుభ గ్రహం శుక్రుడు కూడా కన్యాలగ్నంకు ద్వితీయ భాగాధిపతిగా ఉండటం వల్ల శుక్రుడు తన మిత్రుడు శనేశ్వరుడితో కలిసి ఉండడం వల్ల ఆర్థిక పరిస్థితి ఈ సంవత్సరం బాగా ఉన్నా ద్వితీయ స్థానంలో పాప గ్రహమైన కేతువు ప్రభావం వల్ల కొంత ఆర్థిక ప్రతికూలత ఉంటుంది, ప్రజలు డబ్బు విలువ తెలియకుండా ఉంటారు.

ఇక తృతీయ స్థానంలో కన్యాలగ్నం కు పాప గ్రహం అయిన కుజుడు ఉండటం వల్ల అది కూడా భాగ్య స్థానంలో ఉండటం వల్ల తృతీయ స్థానం టెలి కమ్యూనికేషన్ గురించి తెలుపుతుంది కాబట్టి ప్రింట్ మీడియా, మీడియా వారు కుంభకోణాలు వంటి వాటిని బయటపెడతారు, దీనివల్ల కొంతమంది రాజకీయ నాయకుల పదవులు పోవచ్చు అంటూ కళానిధి రాంబాబు గారు తెలిపారు. ఇక శనేశ్వరుడు స్వక్షేత్రం అయిన మకర రాశి లో పంచమ స్థానంలో ఉండటం వల్ల వ్యవసాయం, పంటలు బాగుంటాయి. అలానే రియల్ ఎస్టేట్ వారికి లాభదాయకంగా ఉండనుంది. ఇక కరోనా వంటి మహమ్మారి వచ్చినా ఇండియాలో ప్రాణ నష్టం ఉండక పోవచ్చు అంటూ తెలిపారు. ఇక ఈ సంవత్సరం ఆగస్టు వరకు కొంత ప్రతికూల పరిస్థితులు ఉన్నప్పటికీ ఆగస్టు తరువాత దేశ పరిస్థితులు బాగుంటాయి అంటూ తెలిపారు. మొత్తంగా చూసుకుంటే ప్రజలు డబ్బు తక్కువగా ఖర్చు చేసుకుంటూ పొదుపు పాటిస్తే ఈ ఏడాది చాలా బాగుంటుంది అంటూ చెప్పారు.