5 సంవత్సరాలలోపు పిల్లలకు ఆధార్ కోసం.. ఇలా దరఖాస్తు చేయండి…

ఆధార్ కార్డు అనేది భారతదేశ పౌరుడికి తప్పనిసరి. ఇది ప్రారంభించి దాదాపు 10 సంవత్సరాలు దాటినా ఇంకా మారుమూల గ్రామాల్లో నివసించే షెడ్యూల్డ్ తెగల వారు తీసుకోలేదు. ముఖ్యంగా 5 సంవత్సరాల లోపు పిల్లలకు బయోమెట్రిక్ విషయంలో సమస్యలు ఉండటంతో తీసుకోలేక పోయారు. 5 సంవత్సరాల కంటే తక్కువ వయస్సు ఉన్న పిల్లలకు ఆధార్ తయారుచేసేటప్పుడు బయోమెట్రిక్ సేకరించడం లేదని యుఐడిఎఐ ట్వీట్ చేసింది.

బయోమెట్రిక్ అంటే పిల్లల వేలిముద్ర, వారి ఐరిస్ స్కానింగ్ కలిగి ఉంటుంది. అయితే ఈ రెండిటిని 5 సంవత్సరాల కంటే ఎక్కువ వయస్సు ఉన్న పిల్లలకు సేకరించడం తప్పనిసరి. పిల్లల తల్లిదండ్రులే ఐదేళ్ల లోపు ఉన్న పిల్లలకు ఫింగర్ స్కాన్ చేస్తారు. 5 సంవత్సరాల లోపు ఉన్న పిల్లలు ఆధార్ కార్డు తీసుకోవాలంటే బాల్ ఆధార్ కోసం ఎలా దరఖాస్తు చేయాల్సి ఉంటుంది. దానికి ముందుగా UIDAI అధికారిక వెబ్‌సైట్‌కు వెళ్లాలి. అక్కడ మీరు ఆధార్ కార్డు రిజిస్ట్రేషన్ లింక్‌పై క్లిక్ చేయాలి. అక్కడ వ్యక్తిగత వివరాలను నమోదు చేయాలి. దీంతో వారికి స్లాట్ బుకింగ్ కనపడుతుంది.

మనకు దగ్గర్లో ఉండే ఆధార్ సెంటర్ కు ఏ సమయంలో , ఎప్పుడు వెళ్లాలో షెడ్యూల్ చేయబడుతుంది. దాని ప్రకారం వాళ్లు అక్కడకు వెళ్లాలి. 5 సంవత్సరాల లోపు పిల్లలకు ఫోటో మాత్రమే తీసుకుని.. మిగతావి తల్లి లేదా తండ్రివి బయోమెట్రిక్ తీసుకుంటారు. దీనికి పిల్లల జనన ధృవీకరణ పత్రం, తల్లిదండ్రుల ఆధార్ కార్డు ఫోటోకాపీ, రిఫరెన్స్ నంబర్ ను వారు వెరిఫై చేస్తారు. వాటిని తమ వెంట తీసుకెళ్లాల్సి ఉంటుంది. 5 సంవత్సరాలు దాటిన తర్వాత ఆధార్ సెంటర్ కి వెళ్లి బయోమెట్రిక్ అంటే చేతి వేళ్లు, ఐరిస్ స్కానింగ్ ఇచ్చి అప్ డేట్ చేసుకోవాల్సి ఉంటుంది.

ఇక్కడ అన్నీ ప్రక్రియలను పూర్తి అయిన తర్వాత మనకు ఒక సంఖ్యను కేటాయిస్తారు. దీంతో మన ఆధార్ స్థితిని తెలుసుకునే వీలుంటుంది. అరవై రోజుల తరువాత రిజిస్టర్డ్ మొబైల్ నంబర్‌లో ఎస్ఎంఎస్ అందుతుంది. నమోదు ప్రక్రియ జరిగిన దాదపు మూడు నెలల తర్వాత ఆధార్ కార్డును పోస్టులో ఇంటికి పంపిస్తారు.