Aamir Khan:బాలీవుడ్ నటుడు అమీర్ ఖాన్ ప్రస్తుతం లాల్ సింగ్ చద్దా సినిమా ప్రమోషన్ కార్యక్రమాలలో బిజీగా ఉన్నారు.ఈయన నటించిన ఈ సినిమా ఆగస్టు 11వ తేదీ పాన్ ఇండియా స్థాయిలో విడుదల కానుంది. ఈ క్రమంలోనే రెండు తెలుగు రాష్ట్రాలతో పాటు ఇతర భాషలలో కూడా పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు.

ఈ సినిమా ప్రమోషన్ కార్యక్రమాలలో భాగంగా బాలీవుడ్ నిర్మాత కరణ్ జోహార్ వ్యాఖ్యాతగా వ్యవహరిస్తున్నటువంటి కాఫీ విత్ కరణ్ టాక్ షో కి లాల్ సింగ్ చద్దా సినిమా ప్రమోషన్ కోసం నటుడు అమీర్ ఖాన్, నటి కరీనా కపూర్ హాజరయ్యారు. ఈ కార్యక్రమంలో భాగంగా కరణ్ వీరిద్దరిని ఎన్నో ఆసక్తికరమైన ప్రశ్నలు అడుగుతూ సమాధానాలు రాబట్టారు.

ఈ క్రమంలోనే అమీర్ ఖాన్ తన వ్యక్తిగత విషయాల గురించి మాట్లాడారు. ఈయన ఇప్పటికే రెండు పెళ్లిళ్లు చేసుకుని ఇద్దరికీ విడాకులు ఇచ్చిన విషయం మనకు తెలిసిందే. ఈ సందర్భంగా అమీర్ మాట్లాడుతూ మేము విడాకులు తీసుకున్నప్పటికీ వారితో మంచి రిలేషన్ మెయింటైన్ చేస్తున్నానని తెలిపారు.మా రిలేషన్ షిప్ లో ప్రేమ గౌరవం ఇచ్చిపుచ్చుకోవడం ఉన్నాయి తప్ప మరే విధమైనటువంటి ఉద్దేశం లేదని తెలిపారు.

Aamir Khan: ఒకే కుటుంబంలా కలిసిపోతాం

ఈ విధంగా తన మాజీ భార్యలు ఇద్దరు తనపై ఎంతో గౌరవం చూపిస్తారని, ఇప్పటికీ తామంతా ఒక కుటుంబం లాగే కలిసి మెలిసి ఉంటామని ఇలా వారిని నేను వారానికి ఒక్కసారైనా కలుస్తూ ఉంటానని అమీర్ ఖాన్ తన వ్యక్తిగత విషయాల గురించి తెలిపారు.విడాకులు ఇచ్చిన తర్వాత కూడా మేమంతా ఒకే కుటుంబంలా తరచూ కలుస్తూ ఉంటామని ఈయన చెప్పిన ఈ కామెంట్స్ ప్రస్తుతం వైరల్ అవుతున్నాయి.