‘జబర్దస్త్‌’లో ముద్దులతో రెచ్చిపోయిన ఆట సందీప్.. జ్యోతి.. బిగ్‌బాస్‌ మిస్ అయినందుకా అంటూ ట్రోలింగ్..

జబర్దస్త్.. గత కొన్ని సంవత్సరాల నుంచి ఎంతో ప్రేక్షకాదరణ పొందుతున్న టీవీ షో. ఎంతో మందిని కమెడీయన్స్‌గా తీర్చిదిద్ది.. వారికంటూ ఓ ప్రత్యేక గుర్తింపును తీసుకొచ్చింది. సుధీర్‌లాంటి వాళ్లకు సినిమా ఛాన్స్‌లనూ తెచ్చిపెట్టింది. ఇంతకుముందు ఇలాంటి ప్రోగ్రామ్స్‌ ఎన్ని వచ్చినా.. ఇటీవలి కాలంలో పోటీగా అలాంటి షోలు ప్రారంభించినా.. జబర్దస్త్‌కు క్రేజ్‌ను అందుకోలేకపోయారు. మొదట జబర్దస్త్‌తో ప్రారంభమైనా.. ఆ తర్వాత వచ్చిన విశేష స్పందనను చూసి ఎక్స్‌ట్రా జబర్దస్త్‌ను పరిచయం చేసి, మరికొంతమంది కొత్త ఆర్టిస్ట్‌లకు అవకాశం కల్పించారు. నిజం చెప్పాలంటే టాలెంట్‌ను నిరూపించుకునేందుకు ఇదో మంచి వేదిక. అలాంటి షోని ఇన్నాళ్లు ఆదరిస్తున్నారంటే కారణం… వారానికో కొత్తదనంతో నవ్వించడం అంటే మామూలు విషయం కాదుకదా..!

ఇకపోతే ప్రతి గురు, శుక్ర వారాల్లో ప్రసారమయ్యే ఈ షోని ఇంటిల్లిపాదీ చూసే విధంగా పాపులర్‌ అయింది. అయితే కొన్ని సందర్భాల్లో చేసే మితిమీరిన కామెడీ పలు విమర్శలకు తావిస్తోంది. ఇంతకుముందు వేణు, ఆదిలాంటి వారు కొన్ని సంఘటనలు ఎదుర్కొన్న విషయం తెలిసిందే. అలాగే తాజాగా రిలీజైన ఎక్స్‌ట్రా జబర్దస్త్‌ ప్రోమోపైనా పలువురు అసహనం వ్యక్తం చేస్తున్నారు. కారణం, అందులో ఆట ఫేమ్ సందీప్, అతని భార్య జ్యోతి చేసిన ఓ స్కిట్‌లోని కొన్ని సన్నివేశాలు. స్కిట్‌లో భాగంగా జ్యోతి… సందీప్‌ని కౌగిలించుకొని, ముద్దు పెడుతుంది. అంతేకాదు.. ఆమె కన్నుకొడుతూ చేసిన ఎక్స్‌ప్రెషన్‌ ఈ ప్రోమో కు హైలెట్ అయ్యింది.

ఇకపోతే… దీన్నంతటినీ చూస్తున్న జడ్జీలు రోజా, మనోలు ఆశ్చర్యానికి గురవుతారు. ఈ ప్రోమో చూసిన నెటిజన్లు అందరూ చూసేవిధంగా నవ్వులు కురిపించమంటే.. ఇలా శ్రుతిమించిన సన్నివేశాలు పెట్టడం ఏంటని కొందరు విమర్శిస్తున్నారు. ఇటీవల బిగ్‌బాస్‌ హౌస్‌లోకి సందీప్ వెళ్తున్నారనే వార్తలు రాగా.. అది నిజం కాదని షో ప్రారంభంతో తేలిపోయింది. దీన్ని ఆసరాగా చేసుకొని ఆ షోలో ఛాన్స్ మిస్‌ అయిందని.. ఈ షోలో రెచ్చిపోతున్నారా అంటూ మరికొందరు నెటిజన్లు పెద్దఎత్తున కామెంట్లు చేస్తున్నారు.