రజనీకాంత్ అంకుల్ తో హీరోయిన్ గా చేయడానికి అప్పుడు చాలా ఇబ్బంది పడ్డా: నటి మీనా

అందం అభినయం,నటనా నైపుణ్యంతో అచ్చ తెలుగు అమ్మాయిగా ఎంతో మంచి ప్రేక్షకాదరణ సంపాదించుకున్న హీరోయిన్లలో అలనాటి నటి మీనా ఒకరు. 90లలో ఈమె తమిళ, తెలుగు రాష్ట్రాలలో క్రేజీ హీరోయిన్ గా పేరు సంపాదించుకున్నారు. ఎన్నో కుటుంబ కథాచిత్రాలలో ఎంతో అద్భుతంగా నటించిన మీనా నిజానికి తమిళమ్మాయి అయినప్పటికీ ఈమె మాత్రం అచ్చ తెలుగు అమ్మాయిగా ఎంతోమంది తెలుగు ప్రేక్షకులను సంపాదించుకున్నారు.

నటనపై ఆసక్తి ఉండడం చేత మీనా చైల్డ్ ఆర్టిస్ట్ గా ఇండస్ట్రీలోకి అడుగు పెట్టారు. చైల్డ్ ఆర్టిస్ట్ గా మంచి గుర్తింపు తెచ్చుకున్న మీనా ఆ తర్వాత హీరోయిన్ గా సినిమా అవకాశాలు దక్కించుకొని ఎంతో పాపులారిటీ సంపాదించారు. ఈ క్రమంలోనే సూపర్ స్టార్ రజనీకాంత్ తో జతకట్టి నటించిన “ముత్తు”సినిమా బాక్సాఫీస్ వద్ద ఎలాంటి విజయాన్ని అందుకుందో అందరికీ తెలిసిందే. ఈ సినిమాలోని  “థిల్లానా థిల్లానా” పాట అప్పట్లో ప్రేక్షకులను విపరీతంగా ఆకట్టుకుంది.

నిజానికి మీనా రజనీకాంత్ సరసన నటించిన మొట్ట మొదటి చిత్రం  ‘యజమాన్‌’. ఈ సినిమాను తెలుగులో “రౌడీ జమిందార్” గా డబ్ చేసి విడుదల చేశారు. ఈ సందర్భంగా ఈ సినిమా షూటింగ్ సమయంలో రజినీకాంత్ గారితో నటించడానికి తను చాలా ఇబ్బంది పడ్డానని, మీనా ఓ సందర్భంలో తెలియజేశారు. అలా ఇబ్బంది పడటానికి కారణం ఏంటనే విషయానికి వస్తే… మీనా చైల్డ్ ఆర్టిస్ట్ గా రజనీకాంత్ నటించిన “అన్బుళ్ల రజనీకాంత్” అనే సినిమాలో రజినీకాంత్ గారిని అంకుల్.. అంకుల్ అంటూ పిలుస్తూ తిరిగేదాన్ని. ఈ సినిమా చిత్రీకరణ ఎక్కువ భాగం రజనీకాంత్ ఇంట్లోనే జరిగింది.

అలా రజనీకాంత్ గారిని అంకుల్ అని పిలుస్తూ ఇప్పుడు హీరోయిన్ గా తన పక్కన రొమాన్స్ చేయాలంటే చాలా ఇబ్బంది పడ్డానని, అయితే తన కెరీర్ మొదట్లోనే అలాంటి సూపర్ స్టార్ తో నటించే అవకాశం వచ్చిందని మరొకవైపు ఆనందం పొంగుకొస్తున్నా, మరోవైపు భయం వేసేదని తెలిపారు. ఇక ఈ సినిమా షూటింగ్ మొదటి షెడ్యూల్ లో భాగంగా మీనా పువ్వులు కోయటానికి వెళుతూ కిందపడే దృశ్యాన్ని చిత్రీకరించారు.ఈ షాట్ ఓకే అయిన తర్వాత రజనీ కాంత్ గారు తనకు కంగ్రాట్స్ చెప్పి ప్రోత్సహించినప్పటికీ తనలో ఓ విధమైనటువంటి భయం ఉండేదని ఓ సందర్భంలో మీనా తెలియజేశారు.