Actor Brahmaji: నటుడు బ్రహ్మాజీ పిల్లలు వద్దనుకోవడానికి అసలు కారణం ఏంటో తెలుసా.. వైరల్ అవుతున్న బ్రహ్మాజీ కామెంట్స్!

Actor Brahmaji: ఎన్నో తెలుగు సినిమాలలో విలన్ పాత్రలలోను సహాయ నటుడిగా కమెడియన్ గా నటిస్తూ ఎంతో మంచి గుర్తింపు సంపాదించుకున్నారు నటుడు బ్రహ్మాజీ.ఇలా పలు సినిమాలలో క్యారెక్టర్ ఆర్టిస్టుగా నటిస్తూ ఎంతో బిజీగా ఉన్న ఈయన సోషల్ మీడియాలో కూడా అంతే యాక్టివ్ గా ఉంటూ నిత్యం తనకు సంబంధించిన విషయాలను సోషల్ మీడియా వేదికగా పంచుకుంటారు.

తాజాగా ఒక ఇంటర్వ్యూలో పాల్గొన్న ఈయన తన వ్యక్తిగత విషయాలను కూడా వెల్లడించారు. ఈ సందర్భంగా బ్రహ్మాజీ మాట్లాడుతూ తన తండ్రి ఒక తహసిల్దారని,తన తండ్రితో పాటు నటుడు సోమయాజులు కూడా ప్రభుత్వ ఉద్యోగం చేసేవారు అని తెలిపారు. అయితే అప్పట్లో నటుడు సోమయాజులు నటించిన శంకరాభరణం విడుదల అయ్యి మంచి గుర్తింపు తెచ్చుకోవడంతో ఆయనని అందరూ పెద్ద ఎత్తున సన్మానించారు. ఆ సంఘటన చూసిన తనకు సినిమాలలోకి పోతే ఇంత గౌరవం ఉంటుందా అనిపించి చదువు పూర్తి కాగానే చెన్నైలోని ఫిల్మ్ ఇన్స్టిట్యూట్ లో చేరి ఇండస్ట్రీలోకి వచ్చానని తెలిపారు.

ఇలా ఇండస్ట్రీలో పలు సినిమాలలో నటించిన ఈయన తన వ్యక్తిగత విషయాల గురించి తెలిపారు.తాను చెన్నైలో ఉన్నప్పుడే ఒక బెంగాలీ అమ్మాయితో తనకు పరిచయం ఏర్పడిందని ఆ పరిచయం ప్రేమ వరకు దారి తీసిందని తెలిపారు.ఇక తన ప్రేమ విషయం ఇంట్లో చెప్పి పెద్దలను ఒప్పించి తనని పెళ్లి చేసుకున్నానని బ్రహ్మాజీ పేర్కొన్నారు.ఇకపోతే నేను ఆ అమ్మాయిని ప్రేమించి పెళ్లి చేసుకునే సమయానికి తనకు ఇదివరకే పెళ్లి జరిగి విడాకులు కూడా తీసుకుంది.

Actor Brahmaji: పెద్దలను ఒప్పించి పెళ్లి చేసుకున్నాము..

ఈ విధంగా విడాకులు తీసుకునే సమయానికి తనుకు ఒక బాబు కూడా ఉన్నారు. ఇలా ముందుగానే ఒక బాబు ఉండడంతో మరి పిల్లలు ఎందుకు అన్న ఉద్దేశంతో తాను పిల్లల్ని వద్దనుకున్నానని ఈ సందర్భంగా బ్రహ్మాజీ వెల్లడించారు. ఆ అబ్బాయి ప్రస్తుతం పిట్టకథలు సినిమాతో ఇండస్ట్రీలోకి అడుగు పెట్టారని, ఈయన ఈ ఇంటర్వ్యూ సందర్భంగా తన వ్యక్తిగత జీవితం గురించి చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.