ప్రియుడితో కలిసి ఆ వ్యాపార రంగంలోకి దిగిన లేడీ సూపర్ స్టార్..!

ప్రస్తుతం సినిమా రంగంలో పనిచేసే చాలామంది హీరోయిన్లు ఒకవైపు తమ నటనను కొనసాగిస్తూనే మరోవైపు పలు వ్యాపార రంగాలలోకి దిగి తమదైన శైలిలో దూసుకుపోతున్నారు. ఇప్పటికే సమంత, కాజల్ అగర్వాల్ వంటి స్టార్ హీరోయిన్లు సినిమాలలోను అటు వ్యాపారంలోనూ తనదైన ముద్ర వేసుకున్నారు. తాజాగా ఈ బాటలో లేడీ సూపర్ స్టార్ నయనతార అడుగుపెట్టబోతోంది.

దక్షిణాది లేడీ సూపర్ స్టార్ గా పేరు సంపాదించుకున్న నయనతార తాజాగా ఒక వ్యాపార రంగంలోకి దిగినట్లు తెలుస్తోంది. ఈ క్రమంలోనే ఆమె ప్రియుడు విఘ్నేష్ తో కలిసి చెన్నైకు చెందిన ఛాయ్ వాలే అనే ఛాయ్ వ్యాపారం చేసే కంపెనీకి పెట్టుబడి పెట్టినట్లు వార్తలు సోషల్ మీడియాలో చక్కర్లు కొడుతున్నాయి. సినిమాల పరంగా మంచి స్థాయిలో ఉన్న నయన్ వ్యాపార రంగంలో ఎలాంటి వృద్ధిని సాధిస్తారో వేచి చూడాలి.

ఇక సినిమాల విషయానికొస్తే నయనతార ప్రధాన పాత్రలో నటిస్తున్న తాజా చిత్రం నెట్రికన్. ఇందులో అంధురాలు పాత్రలో నయనతార సందడి చేయనున్నారు. తాజాగా ఈ సినిమా నుంచి విడుదలైన ట్రైలర్ ప్రేక్షకులను విశేషంగా ఆకట్టుకుంటుంది. తెలుగులో ఈ సినిమా మూడో కన్నుగా ప్రేక్షకుల ముందుకు రానుంది.

ఈ విధంగా నయనతార అంధురాలు పాత్రలో నటిస్తున్న టువంటి నెట్రికన్ సినిమాను విఘ్నేష్ శివన్ నిర్మిస్తుండగా
మిలింద్ రావు దర్శకత్వం వహించారు. ఈ సినిమా 13 న హాట్ స్టార్‌లో స్ట్రీమ్ కానుంది. కంటి చూపు కోల్పోయిన ఓ మహిళ వినికిడి శక్తి ఆధారంగా సీరియల్ కిల్లర్ ను ఎలా పట్టుకుంది అనే కథాంశంతో ద్వారా తెరకెక్కింది.