Actor Rana: కుడి కన్ను అస్సలు కనిపించదు… కిడ్నీ మార్పిడి జరిగింది… ఆరోగ్య సమస్యలను బయటపెట్టిన రానా!

Actor Rana: ఇండస్ట్రీలో దగ్గుబాటి వారసుడుగా ఎంతో పేరు ప్రఖ్యాతలు సంపాదించుకున్న రానా గురించి అందరికీ సుపరిచితమే బాహుబలి సినిమాతో పాన్ ఇండియా స్టార్ గా పేరు సంపాదించుకున్న రానా ఒక వైపు సినిమాలు చేస్తూనే మరోవైపు వెబ్ సిరీస్లలో కూడా నటిస్తున్నారు. ఈ క్రమంలోనే తన బాబాయ్ వెంకటేష్ తో కలిసి రానా నాయుడు అనే వెబ్ సిరీస్ లో నటించారు.

ఈ వెబ్ సిరీస్ ప్రస్తుతం ఎంతో మంచి ఆదరణ సంపాదించుకుంది.ఇకపోతే గత కొద్ది రోజులుగా రానా ఈ సిరీస్ ప్రమోషన్ కార్యక్రమాలలో ఎంతో బిజీగా గడుపుతున్నారు.ఈ క్రమంలోనే తాజాగా ఈ వెబ్ సిరీస్ ప్రమోషన్ లో భాగంగా ఒక ఇంటర్వ్యూలో పాల్గొన్నటువంటి రానా అనారోగ్య సమస్యల గురించి మాట్లాడుతూ షాకింగ్ విషయాలు బయట పెట్టారు.

గతంలో ఒకసారి తనకు కంటి సమస్య ఉందని చెప్పిన రానా తాజాగా మరోసారి తన సమస్య గురించి ఓపెన్ అయ్యారు. తనకు చిన్నప్పటి నుంచి కుడి కన్ను అసలు కనిపించదని రానా ఈ సందర్భంగా మరోసారి వెల్లడించారు. తనకు చిన్నప్పుడే ఎల్వి ప్రసాద్ ఆసుపత్రిలో కంటికి సర్జరీ జరిగిందని రానా తెలిపారు. అదేవిధంగా కిడ్నీ మార్పిడి కూడా జరిగింది అంటూ రానా ఈ సందర్భంగా వెల్లడించారు.

Actor Rana: నేను టెర్నినేటర్‏ని

ఈ విధంగా కన్ను, కిడ్నీ రెండింటికీ వైద్యులు శస్త్రచికిత్స చేశారు. ఈ విషయంలో నేను టెర్నినేటర్‏ని అనుకుంటున్నాను. చాలా మంది శారీరక సమస్యలు వస్తే బాధపడుతుంటారు. ఆ సమస్యలు నయమైన బాధపడుతూ ఉంటారు.అయితే అలా ఎప్పుడూ ఉండకూడదని ఆ ఆలోచనల నుంచి బయటకు వచ్చి ముందుకెళ్లాలంటూ ఈ సందర్భంగా రానా ఇలాంటి సమస్యలతో బాధపడుతున్న వారికి ధైర్యం చెప్పారు. మొత్తానికి ఈయన ఆరోగ్య సమస్యలను గురించి చెబుతూ చేసినటువంటి ఈ కామెంట్స్ వైరల్ అవుతున్నాయి.