Hero Venu Thottempudi : త్రివిక్రమ్ పెద్ధ డైరెక్టర్ అయ్యాక నాకు సినిమా అవకాశాలు ఇప్పించమని చాలా సార్లు రిక్వెస్ట్ చేశా కానీ…: హీరో వేణు తొట్టెంపూడి

Hero Venu Thottempudi : ‘స్వయంవరం’ సినిమాతో తెలుగు సినిమాకు పరిచయమైన వేణు తొట్టెంపూడి ఆ తరువాత చిరునవ్వుతో సినిమాతో మంచి విజయాన్ని అందుకున్నాడు. చిరునవ్వుతో సినిమాలో నటనకు వేణు కి అలాగే డైలాగులకు త్రివిక్రమ్ కి మంచి మార్కులు పడ్డాయి. ఆ తరువాత ఇతర హీరోలతో కలిసి మల్టీ స్టారర్ చేసిన వేణు కెరీర్ లో హనుమాన్ జంక్షన్, పెళ్ళాం ఊరేళితే, గోపి గోపిక గోదావరి వంటి సినిమాలు మంచి హిట్స్ గా నిలిచాయి. తోమిదేళ్ల గ్యాప్ తరువాత మళ్ళీ సినిమా ఇండస్ట్రీ వైపు చూసిన వేణు రవితేజ తో కలిసి రామ రావు ఆన్ డ్యూటీ సినిమాను చేసారు. తాజాగా పలు ఇంటర్వ్యూల్లో పాల్గొంటున్న వేణు తన కెరీర్ లో చేసిన తప్పులను, అలాగే తన వ్యక్తిగత విషయాలను చెప్పారు.

త్రివిక్రమ్ ను సినిమా ఛాన్స్ అడిగినా…

చిరునవ్వు తో సినిమాతో రైటర్ గా త్రివిక్రమ్ కి హీరోగా వేణుకి మంచి బ్రేక్ వచ్చింది. అయితే ఆ సినిమా తరువాత త్రివిక్రమ్ స్టార్ రైటర్ అయిపోయాడు. ఆ తరువాత టాప్ హీరోలతో డైరెక్ట్ గా సినిమాలతో బిజీ అయ్యాడు. ఆ సమయంలోనే మహేష్ బాబుతో తీసిన ‘అతడు’ సినిమాలో సోనూ సూద్ పాత్రకు వేణుని చేయమని అడిగాడట త్రివిక్రమ్. అయితే విలన్ షేడ్ ఉన్న పాత్ర చేస్తే కెరీర్ లో ఇబందిపడాల్సి వస్తుందని సన్నిహితులు సలహా ఇవ్వడంతో ఆ సినిమా వదులుకున్నాడట వేణు. ఇక ఆ తరువాత త్రివిక్రమ్ స్టార్ డైరెక్టర్ అయ్యాడు.

ఇక ఒకటి రెండు సార్లు తనకు సినిమా అవకాశం ఇవ్వమని వేణు త్రివిక్రమ్ ను అడిగినా ఆ కాంబినేషన్ కుదరలేదని చెప్పాడు వేణు. ఎంఏ ఇంగ్లీష్ చేసినోడిని వచ్చి ఒకటి రెండో తరగతి పిల్లాడికి ఇంగ్లీష్ పాఠాలు చెప్పమని అడిగితే ఇబ్బందిగా ఉంటుంది కదా అలానే ఈ విషయం అనిపించి ఉండవచ్చు అంటూ వేణు అభిప్రాయపడ్డారు.