Pushpa 2: పుష్ప 2లో గ్రాండ్ ఎంట్రీ ఇవ్వనున్న విజయ్ సేతుపతి.. అప్పుడు మిస్సైనా ఇప్పుడు ఫిక్స్?

Pushpa 2: క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ హీరోగా దొరికిన చిత్రం పుష్ప. గంధపు చెక్కల స్మగ్లింగ్ నేపథ్యంలో తెరకెక్కిన ఈ సినిమాలో అల్లు అర్జున్ పుష్ప రాజ్ అనే పాత్రలో నటించారు. ఇక ఈ సినిమా పాన్ ఇండియా స్థాయిలో విడుదల అయ్యి ఎంతో మంచి ఆదరణ సంపాదించుకుంది. ఇక ఈ సినిమా విడుదలై దాదాపు ఆరు నెలలు అవుతున్నా ఇప్పటికీ ఈ సినిమా క్రేజ్ తగ్గలేదు.

ఇప్పటికే ఈ సినిమా సీక్వెల్ చిత్రం కూడా షూటింగ్ ప్రారంభం కావాల్సి ఉండగా కొన్ని కారణాల వల్ల వాయిదా పడుతోంది. ఇకపోతే తాజాగా ఈ సినిమాకి సంబంధించిన ఓ సమాచారం సోషల్ మీడియాలో చక్కర్లు కొడుతుంది. ఈ సినిమాలో పోలీస్ ఆఫీసర్ పాత్రలో కోలీవుడ్ స్టార్ హీరో విజయ్ సేతుపతి సందడి చేయనున్నట్లు సమాచారం. పార్ట్ 2 లో ఫహద్ ఫసిల్ అల్లు అర్జున్ మధ్య శత్రుత్వం ఉంటుందని సుకుమార్ చెప్పకనే చెప్పేశారు.

అయితే మరో పోలీస్ ఆఫీసర్ పాత్రలో విజయ్ సేతుపతి నటిస్తున్నారని ఈయన అల్లు అర్జున్ కు ఫేవర్ గా ఉంటారని సమాచారం వినపడుతుంది. నిజానికి పుష్ప సినిమాలోని ఈయనకు అవకాశం కల్పించినప్పటికీ ఈయన ఆ సమయంలో వివిధ సినిమా షూటింగులతో బిజీగా ఉండటంవల్ల ఈ సినిమాలో నటించే అవకాశాన్ని మిస్ చేసుకున్నారు. అప్పుడు మిస్సయిన ఈసారి మాత్రం పక్కాగా ఈయన ఈ సినిమాలో నటిస్తున్నారు అనే వార్తలు వినపడుతున్నాయి.

పోలీస్ ఆఫీసర్ గా విజయ్ సేతుపతి…

మరి విజయ్ సేతుపతి గురించి వస్తున్న వార్తలు ఎంతవరకు నిజం ఉందో తెలియదు కానీ ఈ వార్త మాత్రం సోషల్ మీడియాలో వైరల్ అవుతుంది. ఇకపోతే ఈ సినిమా త్వరలోనే షూటింగ్ పనులు ప్రారంభం చేసుకొని వచ్చే ఏడాది చివర్లో విడుదల కానున్నట్లు తెలుస్తోంది. పుష్ప సినిమా భారీ హిట్ అవడంతో ఈ సినిమాపై అంతకుమించి అంచనాలు ఏర్పడ్డాయి. ఈ సినిమా కోసం అభిమానులు ఎంతో ఆతృతగా ఎదురుచూస్తున్నారు.