Actress Meena : “దేవుడా.. దేవుడా..” అంటూ రోడ్డుపై పాట పాడుతుంటే… నిజంగానే బిక్షగత్తని చిల్లర వేశారు. : మీనా

Actress Meena : సుందరకాండ వెంకటేష్ కథానాయకునిగా కె.రాఘవేంద్ర రావు దర్శకత్వంలో 1992లో వచ్చిన చిత్రం. ఈ చిత్రానికి ఎం.ఎం.కీరవాణి సంగీతం అందించాడు. సుందరకాండ దర్శకత్వం కె. రాఘవేంద్రరావు, రచన భాగ్యరాజా (కథ) నటవర్గం వెంకటేష్, మీనా, అపర్ణ, ఛాయాగ్రహణం కె. రవీంద్రబాబు, కూర్పు కోటగిరి వెంకటేశ్వరరావు, సంగీతం ఎం. ఎం. కీరవాణి.

లెక్చరర్ ను ప్రేమించి ఒక అమ్మాయి కథ ఇది. ఇందులో వెంకటేష్ లెక్చరర్ గా నటించాడు.
ఈ చిత్రం తమిళంలో కె. భాగ్యరాజా స్వీయదర్శకత్వంలో నటించిన సుందరకాండం అనే చిత్రానికి పునర్నిర్మాణం. ఈ సినిమా బాక్సాఫీసు వద్ద విజయం సాధించింది. ఈ చిత్రంలో వేటూరి రాసిన ఆకాశాన సూర్యుడుండడు తెల్లవారితే పాటకు నంది పురస్కారం లభించింది.. ఐతే ఓ సినీ కార్యక్రమానికి హాజరైన మీనా మాట్లాడుతూ.. ఆనాటి సుందరాకాండ సినిమా షూటింగ్ విశేషాలను గుర్తు చేసుకుంటూ.. చంటి సినిమా విజయవంతమైన తర్వాత రాఘవేంద్రరావు సినిమాలో నటించే అవకాశం వచ్చింది.

అప్పటికి ఆయన హీరోయిన్స్ ని రొమాన్స్ గా చూపించడం అలాగే నడుముపై వివిధ రకాలైన ఫ్రూట్స్ వేయడం లాంటివి చేస్తారని మొదట్లో భయం వేసేది. కానీ రాఘవేంద్రరావు గారి దర్శకత్వంలో నటించాలని కోరికగా ఉండేది. అలా కెరీర్ మొదట్లోనే ఆయన సినిమాలో నటించే అవకాశం వచ్చింది. సుందరకాండ సినిమాలో నాది అనాధ స్త్రీ పాత్ర.. అయితే ఆ సినిమాలోని ఒక సన్నివేశంలో.. రోడ్డుపై వెళ్తూ.. దేవుడా.. దేవుడా.. అమ్మానాన్న లేని వాళ్లకు దేవుడా.. దేవుడా.. అంటూ నేను పాడుకుంటూ వెళ్లాలి. అలా రోడ్డుపై నేను పాడుకుంటూ వెళ్తున్నప్పుడు.. నిజంగానే రోడ్ పై అటువైపుగా వెళుతున్న ఒకతను నా చేతిలో చిల్లర వేసి వెళ్ళిపోయాడు. షూటింగ్ లో ఉన్న యూనిట్ సభ్యులు అది చూసి అందరూ నవ్వుకున్నారు. ఇప్పటికి ఆ విషయం గుర్తు చేసుకుంటే నవ్వొస్తుందని ఆ ఇంటర్వ్యూలో మీనా ఆనాటి సంగతులను గుర్తు చేసుకున్నారు.