Actress Radhika: పిల్లలు పుట్టాలంటే మగాళ్లు అవసరం లేదు…. సీనియర్ నటి రాధిక సెన్సేషనల్ కామెంట్స్!

Actress Radhika: ఇండస్ట్రీలోని సీనియర్ నటిగా ఎంతో మంచి గుర్తింపు సంపాదించుకున్న రాధిక ఏ విషయమైనా ఎంతో ముక్కుసూటిగా కుండ బద్దలు కొట్టినట్టు మాట్లాడతారు.అయితే తాజాగా ఒక ఇంటర్వ్యూలో పాల్గొన్నటువంటి రాధిక అమ్మాయిల పెళ్లి గురించి పలు సంచలన వ్యాఖ్యలు చేశారు.

ఇంటర్వ్యూలో భాగంగా ప్రజెంట్ జనరేషన్ లో ఉన్నటువంటి పిల్లల గురించి పెళ్లి గురించి ఆమెకు ప్రశ్నలు ఎదురయ్యాయి.ప్రస్తుత కాలంలో పిల్లల పుట్టాలంటే పెళ్లి తప్పనిసరిగా చేసుకోవాల్సిందేనా అనే ప్రశ్న ఈమెకు ఎదురవడంతో ఈ ప్రశ్నకు రాధిక తనదైన శైలిలో సమాధానం చెప్పారు. ఈ ప్రశ్నకు ఈమె సమాధానం చెబుతూ ప్రస్తుత కాలంలో ఉన్నటువంటి ఆడపిల్లలు పెళ్లి విషయంలో పూర్తిగా వారి ఆలోచన విధానాన్ని మార్చుకున్నారని తెలిపారు.

అమ్మాయిలు కూడా బాగా చదువుకొని ఫైనాన్షియల్ గా ఎవరి సపోర్ట్ లేకుండా ఉండడంతో వారికి ఆడ మగ అనే భేదాలు లేకుండా పోయాయని, పెళ్లి విషయంలో అమ్మాయిలు ఆలోచన ధోరణి మారిపోయిందని తెలియజేశారు. కొద్దిరోజుల క్రితం తాను కొంతమంది హీరోయిన్లతోనూ అలాగే అమ్మాయిలతోనూ ఈ పెళ్లి విషయం గురించి మాట్లాడితే…పెళ్లి చేసుకుని పిల్లల్ని కనడం ఎందుకు లైఫ్ ఎంజాయ్ చేయాలి అంటూ సమాధానం చెప్పారు.

Actress Radhika: పిల్లలు కావాలి అంటే సరోగసి ఉంది కదా…

పిల్లలు కావాలి అనుకుంటే పెళ్లి చేసుకోవడం ఎందుకు ప్రస్తుతం సరోగసి, ఐవిఎఫ్ వంటి ఎన్నో మార్గాలు ఉన్నాయి కదా.. పిల్లలు కావాలంటే మగాళ్ళ అవసరం ఏముంది అంటూ సమాధానం చెప్పారని రాధిక వెల్లడించారు. ఈ విధంగా పెళ్లి విషయంలో అమ్మాయిల ఆలోచన ధోరణి పూర్తిగా మారిపోయిందని,ఇది తప్పు అని చెప్పిన వారు అర్థం చేసుకునే పరిస్థితులలో అమ్మాయిలు లేరు అంటూ ఈ సందర్భంగా రాధిక చేసినటువంటి ఈ కామెంట్ సోషల్ మీడియాలో వైరల్ గా మారాయి.