స్క్రీన్ పై టైటిల్ పడగానే.. భావోద్వేగమైన రకుల్.. కారణం ఏమిటంటే?

తెలుగు సినిమా ఇండస్ట్రీలోకి “వెంకటాద్రి ఎక్స్ప్రెస్” సినిమా ద్వారా అడుగుపెట్టిన రకుల్ తర్వాత ఎక్స్ప్రెస్ వేగంతో ఎన్నో అద్భుతమైన సినిమాలలో నటిస్తూ అతి తక్కువ సమయంలోనే స్టార్ హీరోయిన్ స్టేటస్ ను సంపాదించుకున్నారు. తెలుగు ఇండస్ట్రీలో మాత్రమే కాకుండా తమిళం హిందీ భాషల్లో సినిమాలు తీస్తూ ఎంతో మంచి గుర్తింపు పొంది వరుస సినిమా అవకాశాలు దక్కించుకుని స్టార్ హీరోయిన్ గా కొనసాగింది.

ఆ తర్వాత పలు వరుస ఫ్లాప్ లను చవిచూసిన రకుల్ ఇప్పుడిప్పుడే వరుస అవకాశాలు దక్కించుకొని ఎంతో బిజీగా ఉన్నారు. ఈ క్రమంలోనే రకుల్ తెలుగులో వైష్ణవ్ తేజ్ హీరోగా క్రిష్ దర్శకత్వంలో తెరకెక్కిన “కొండపొలం” అనే సినిమాలో నటిస్తున్నారు. అదేవిధంగా “భారతీయుడు 2”, “ఎటాక్”, “మేడే”,”థ్యాంక్ గాడ్” వంటి సినిమాలలో నటిస్తూ ప్రస్తుతం ఎంతో బిజీగా గడుపుతున్నారు.

ఈ విధంగా సినిమా ఇండస్ట్రీలో వరుస అవకాశాలతో ఎంతో బిజీగా గడుపుతున్న ఈ బ్యూటీకి తాజాగా కంటతడి పెట్టుకోవడం చర్చనీయాంశంగా మారింది. అసలు రకుల్ అంత ఎమోషనల్ గా కన్నీరు పెట్టుకోవడానికి కారణం ఏంటి అనే విషయానికి వస్తే బాలీవుడ్ ఇండస్ట్రీలో ఈ బ్యూటీ రంజిత్ తివారీ దర్శకత్వంలో అక్షయ్ కుమార్ హీరోగా తెరకెక్కిన
‘బెల్ బాటమ్’ అనే చిత్రంలో నటించారు.

ఈ సినిమాలో రకుల్ ప్రీత్ సింగ్ కీలక పాత్రలో నటించగా తాజాగా రకుల్ ప్రీత్ సింగ్ చిత్ర బృందంతో కలిసి థియేటర్ లో ఈ సినిమాను చూస్తూ ఎమోషనల్ అవ్వదు కన్నీళ్లు పెట్టుకున్నట్టు తెలుస్తోంది. చాలా కాలం తర్వాత థియేటర్ లో సినిమాలు చూడటంతో తెరపై టైటిల్స్ పడగానే రకుల్ భావోద్వేగానికి గురైంది.