ఆ దర్శకుడితో కలిసి పెళ్లి పీటలు ఎక్కబోతున్న త్రిష..?

ఒకప్పుడు స్టార్ హీరోయిన్ గా ఓ వెలుగు వెలిగిన త్రిష ప్రస్తుతం ఇండస్ట్రీలో అవకాశాలు రాకపోవడంతో తన స్పీడును కాస్త తగ్గించిందని చెప్పవచ్చు. ప్రస్తుతం ఉన్న స్టార్ హీరోలందరి సరసన నటించిన ఈమె టాలీవుడ్ కోలీవుడ్ ఇండస్ట్రీలలో తనదైన మార్క్ సంపాదించుకున్నారు.అయితే గత కొన్ని సంవత్సరాల నుంచి త్రిష పెళ్లి గురించి సోషల్ మీడియాలో పెద్ద ఎత్తున వార్తలు చక్కర్లు కొడుతున్నాయి.

త్రిష త్వరలోనే పెళ్లి చేసుకోబోతోందని,తమ కుటుంబ సభ్యులు చాలా సీరియస్ గా త్రిషకు సంబంధాలు వెతకడం ప్రారంభించారనే వార్తలు జోరుగా వినిపించినప్పటికీ ఇప్పటి వరకూ త్రిష పెళ్లి గురించి ఎలాంటి సమాచారాన్ని అధికారికంగా తెలియజేయడం లేదు. ఈ క్రమంలోనే గతంలో త్రిష , వరుణ్‌ మణియన్‌ అనే వ్యాపారవేత్తను ప్రేమించింది.అయితే వీరిద్దరూ నిశ్చితార్థం జరుపుకొని పలు మనస్పర్థల కారణంగా వివాహాన్ని రద్దు చేసుకున్నారు.

ఈ విధంగా నిశ్చితార్థం రద్దయిన తరువాత మరి సినిమాలలో బిజీగా మారిన త్రిష తన పెళ్లి గురించి తరచూ సోషల్ మీడియాలో వార్తలు వినిపిస్తున్నాయి. ఈ క్రమంలోనే ఈమె పెళ్లి వ్యవహారం మరోసారి కోలీవుడ్ ఇండస్ట్రీలో హాట్ టాపిక్ గా మారింది.తమిళ స్టార్ దర్శకుడితో త్రిష పెళ్లి జరగబోతుందన్న వార్తలు కోలీవుడ్ ఇండస్ట్రీలో చక్కర్లు కొడుతున్నాయి.

త్రిష పెళ్లి చేసుకోబోయే ఆ దర్శకుడు ఎవరు? ఏమిటి? అనే విషయాలు మాత్రం తెలియడం లేదు. అయితే ఈసారైనా త్రిష పెళ్లి పీటలు ఎక్కుతుందా లేకపోతే ఇది కూడా రూమరేనా అనే విషయం తెలియాలంటే త్రిష స్పందించాల్సి ఉంది. ప్రస్తుతం త్రిష పొన్నాయ్ సెల్వన్, సతురంగ వెట్టాయ్ వంటి సినిమాలలో నటిస్తున్నారు.