Actress Vaishnavi: ఘనంగా దేవత సీరియల్ నటి వైష్ణవి సీమంతం… వైరల్ అవుతున్న ఫోటోలు!

Actress Vaishnavi: గత ఏడాది ఎంతోమంది బుల్లితెర వెండితెర నటీమణులు కొత్త జీవితంలోకి అడుగు పెట్టారు. ఇలా వైవాహిక జీవితంలోకి అడుగుపెట్టిన కొందరు ఇప్పటికే అమ్మలుగా ప్రమోట్ కాగా మరికొందరు త్వరలోనే పండంటి బిడ్డకు జన్మనివ్వబోతున్నారు. ఇకపోతే బుల్లితెర సీరియల్స్ లో నటించి ఎంతో మంచి గుర్తింపు సంపాదించుకున్న బుల్లితెర నటి వైష్ణవి రామిరెడ్డి గురించి అందరికీ తెలిసిందే.

స్టార్ మాలో ప్రసారమవుతున్న దేవత సీరియల్ లో హీరోయిన్ చెల్లెలు పాత్రలో నటించిన వైష్ణవి ఈ సీరియల్ మధ్యలోనే సీరియల్ నుంచి తప్పుకున్నారు. అనంతరం ఈమె యూట్యూబ్ ఛానల్ రన్ చేస్తూ తనకు సంబంధించిన అన్ని వీడియోలను అభిమానులతో పంచుకుంటున్నారు.ఇక వైష్ణవి గత ఏడాది సీరియల్ డైరెక్టర్ సురేష్ కుమార్ అనే వ్యక్తిని ప్రేమించి పెళ్లి చేసుకున్న విషయం మనకు తెలిసిందే.

ఇలా వీరి వివాహానికి సంబంధించిన వీడియోలను కూడా ఈమె సోషల్ మీడియాలో షేర్ చేస్తూ వచ్చారు. అయితే పెళ్లి అయిన కొన్ని నెలలకే వైష్ణవి తల్లి కాబోతున్నాననే విషయాన్ని కూడా అభిమానులతో పంచుకున్నారు.ఇలా తన ప్రేగ్నెన్సీ గురించి పలుమార్లు వెల్లడించిన వైష్ణవి తాజాగా సీమంతపు వేడుకలను ఘనంగా జరుపుకున్నట్టు తెలుస్తోంది.

Actress Vaishnavi: ఘనంగా సీమంతం జరుపుకున్న వైష్ణవి…

ప్రస్తుతం ఈమెకు నెలలు నిండడంతో కుటుంబ సభ్యులు ఎంతో ఘనంగా సీమంతపు వేడుకలను జరిపారు.ఈ క్రమంలోనే తన సీమంతపు వేడుకలకు సంబంధించిన ఫోటోలను వైష్ణవి సోషల్ మీడియాలో షేర్ చేయడంతో ఒక్కసారిగా ఈ ఫోటోలు వైరల్ అవుతున్నాయి. ఇక ఈ ఫోటోలు చూసినటువంటి అభిమానులు తనకు శుభాకాంక్షలు తెలియజేస్తున్నారు. మరి కొద్ది రోజులలోనే వైష్ణవి పండంటి బిడ్డకు జన్మనివ్వబోతున్నారని తెలుస్తుంది.