నాకు చేతబడి చేశారు.. ఆ దేవుడే నన్ను కాపాడాడు : నటి మోహిని

ఆమె ముద్దు పేరు తంజావూరు మహాలక్ష్మి. ప్రతీ ఒక్కరూ ఆమెను అలానే పిలిచేవారు. సినిమాల్లోకి ఎంట్రీ ఇచ్చిన తర్వాత ఆమె పేరు మోహినిలా.. ప్రస్తుతం క్రిస్టియానాగా పేరుగా మారిపోయింది. ఆమె ఎక్కువగా తమిళ, మలయాళ సినిమాల్లో ఎక్కువగా నటించారు. తెలుగులో బాలకృష్ణ క్లాసిక్ చిత్రం ఆదిత్య 369లో హీరోయిన్‌గా మోహిని నటించి అదరగొట్టారు.

తర్వాత మోహన్ బాబు హీరోగా వచ్చిన ‘డిటెక్టివ్‌ నారద’లో నటించారు. వివిధ భాషల్లో వందకు పైగా సినిమాల్లో హీరోయిన్‌గా నటించిన మోహిని కోట్ల మంది హిందువులకు గురువైన రమణ మహర్షికి వరసకు మనమరాలిగా కూడా నటించింది. శుద్ధ శ్రోత్రియ బ్రాహ్మణ కుటుంబంలో పుట్టి పెరిగిన మోహిని ప్రస్తుతం క్రైస్తవ మతాభిమాని కూడా. దాదాపు 100పైగా సినిమాల్లో నటించి మెప్పించారు. అయితే తాజాగా తన జీవితంలో జరిగిన కొన్ని ఆసక్తికర విషాయలను తెలియజేశారు.

తనకు చేతబడి చేశారని .. తనను ఏసు ప్రభు దేవుడు కాపాడినట్లుగా చెప్పుకొచ్చారు. తనకు పెళ్లి అయిన ఐదేళ్లకు అనేక మానసిక సమస్యలు ఏర్పడ్డాయని తెలిపింది. కొన్ని సమయాల్లో ఏం చేస్తున్నానో నాకే తెలిసేది కాదన్నారు. రెండుసార్లు ఆత్మహత్యా ప్రయత్నాలు కూడా చేశాను అని తెలిపింది. దీనితో ఒక జ్యోతిష్కుడికి చూపించగా.. ఆయన తనకు కొందరు చేతబడి చేశారని చెప్పినట్లు ఆమె చెప్పుకొచ్చింది. అనేక పూజలు ప్రార్థనలు తర్వాత ఏసుస్వామే నా దేవుడని నమ్మానని చెప్పుకొచ్చింది.

ఆ తర్వాత మానసిక సమస్యల నుంచి బయటపడ్డట్లు తెలిపింది. ఇంట్లో కూడా చిన్నప్పటి నుంచి పూజలకు ఎక్కువ ప్రాధాన్యత ఇచ్చేవారని తెలిపారు. అందరం కలిసి గుడికి వెళ్లేవాళ్లం.. మడి ఆచారాలు కూడా పాటించేవాళ్లమని చెప్పింది. .