Akhil: ఏజెంట్ దెబ్బతో అఖిల్ రిటైర్మెంట్ ప్రకటిస్తారా… భారీగా ట్రోల్ చేస్తున్న నేటిజన్స్!

Akhil: అక్కినేని వారసుడు అఖిల్ ఇటీవల ఏజెంట్ సినిమా ద్వారా ప్రేక్షకుల ముందుకి వచ్చాడు. అయితే ఈ సినిమా కూడా అఖిల్ అభిమానులకు నిరాశ మిగిల్చింది. అక్కినేని నాగార్జున వారసుడిగా ఇండస్ట్రీలో అడుగుపెట్టిన అఖిల్ ఇప్పటివరకు సరైన హిట్ అందుకోలేదు . మొదటి మూడు సినిమాలు డిజాస్టర్ గా నిలువగా.. నాలుగో సినిమా మోస్ట్ ఎలిజిబుల్ బ్యాచిలర్ కొంతవరకు పర్వాలేదనిపించింది.

ఇక భారీ యాక్షన్ ఎంటర్టైనర్ గా రూపొందిన లేదంటే సినిమా తాజాగా విడుదల అయ్యి డిజాస్టర్ గా మిగిలి అందరి అంచనాలు తారుమారు చేసింది. దీంతో అఖిల్ తో నాగార్జున కూడా చాలా నిరాశపడ్డాడు. అఖిల్ నటించిన ఏజెంట్ సినిమా హిట్ అవ్వాలని ఇటీవల నాగార్జున అమల దంపతులు తిరుపతి వెళ్లి దైవ దర్శనం చేసుకున్నారు. ఈ సినిమా కోసం అఖిల్ కష్టపడి బాడీ బిల్డప్ చేసినప్పటికీ సినిమాలో స్టోరీ స్ట్రాంగ్ గా లేకపోవడంతో సినిమా ప్లాప్ గానే మిగిలిపోయింది.

అఖిల్ మొదటి నుండి సినిమా సెలక్షన్ విషయంలో తప్పు మీద తప్పులు చేస్తూనే వస్తున్నాడు. ఇంకా ఎన్ని రోజులు ఇలా అంటూ అక్కినేని అభిమానులు అసహనం వ్యక్తం చేస్తున్నారు. నాగార్జున ఇండస్ట్రీలో స్టార్ హీరోగా గుర్తింపు పొందినప్పటికీ అతని వారసులు అఖిల్ నాగచైతన్య మాత్రం ఇప్పటికి ఇండస్ట్రీలో సక్సెస్ కోసం కష్టపడుతూనే ఉన్నారు. అయితే ఎప్పటికప్పుడు వారి ప్రయత్నాలు మాత్రం విఫలమవుతూనే ఉన్నాయి.

Akhil: వ్యాపారాలు చూసుకోండి…

నాగచైతన్యకి అడపాదడపా హిట్లు పడినా కూడా అఖిల్ మాత్రం మొదటి నుండి ప్లాపులతోనే బండి లాగుతున్నాడు. దీంతో మీకు సినిమాలు సరిపడవు రిటైర్ అయిపోయి చక్కగా మీ తండ్రి వ్యాపారాలు చూసుకోండి అంటూ సోషల్ మీడియాలో కామెంట్స్ వినిపిస్తున్నాయి. మీ సినిమాలు చూస్తూ మాకు జండూబామ్ ఖర్చులు కూడా అధికమవుతున్నాయి అంటూ కొందరు కామెంట్లు చేస్తున్నారు.