Akira Nandan: సాయంలో తండ్రికి తగ్గ తనయుడు.. కరోనా సమయంలో అకీరా సేవలు… మురిసిపోతున్న పవన్ అభిమానులు…

Akira Nandan: టాలీవుడ్‌ ఇండస్ట్రీ లో సహాయం అంటే ముందుండే కుటుంబం అంటే మెగా ఫ్యామిలీ అని చెప్తుంటారు. బ్లడ్ బ్యాంకులతో మొదలైనది ఇప్పటికి మెగా ఫ్యామిలీ పలు సేవ కార్యక్రమాలు చేస్తూనే వున్నారు. ఇక ఇటీవల కరోనా సమయంలో మరోసారి ఈ విషయం నిరూపించుకున్నారు. సినిమా పరిశ్రమ అండతో సీసీసీ ఏర్పాటు చేసి చిరంజీవి మూవీ అస్సోసియేషన్ వాళ్లకు కూడా అండదండగా నిలబడ్డారు. ఇక పవన్‌ కూడా తక్కువ ఏమి కాదు, అయితే ఈయన చేసే సహాయం బయటకు ఎక్కువగా రాదు. మెగా పవర్ స్టార్ రామ్‌చరణ్‌ గురించి ఇక చెప్పాల్సిన పని లేదు. ఎదుటివారికి సహాయం చేయడం లో తండ్రికి తగ్గ తనయుడిలా ఎపుడు ముందుంటాడు. ఇపుడు ఈ జాబితాలోకి మరొకరు చేరారు. అదే మన పవన్ కళ్యాణ్ వారసుడు అఖిరా నందన్.

కరోనా సమయంలో అఖిరా చేసిన సహాయం……

తాజాగా అకీరా నందన్ గ్రాడ్యుయేషన్ పూర్తి చేసుకున్నాడు. ఇక ఈ స్నాతకోత్సవానికి పవన్ కళ్యాణ్, రేణుదేశాయ్ ఇద్దరు హాజరు అయ్యారు . పవన్, రేణు, అధ్య, అకీరా ఒకే ఫ్రేమ్ లో ఫోటోలకు కనువిందు చేయడంతో అభిమానులు సర్ ప్రైజ్ అయ్యారు. అంతేకాదు ఈ వేడుకలోనే అఖిరా కరోనా సమయంలో చేసిన సహాయం గురించి స్కూల్ టీమ్ స్టేజ్ మీద చెప్పారు. కరోనా సమయంలో చాలా మంది సహాయం చేశారు. వారు చేసిన దాని గురించి మనకు తెలుసు. అయితే కొంతమది చేసిన సహాయం బయటకు తెలియదు. ఈకోవలోకే వస్తారు పవన్ కుమారుడు అఖిరా.

కరోనా సమయంలో అవసరమైన ఆక్సిజన్ సిలిండర్లను హాస్పిటల్‌కు డొనేట్ చేశాడట అకీరా. దాంతో పాటు హాస్పటల్స్ కు అవసరమైన సహాయం చేశాడట. అఖిరా చేసిన సహాయం గురించి అతని వ్యక్తిత్వం గురించి, మనస్తత్వం గురించి, అందించిన సేవలు గురించి స్కూల్‌ టీమ్‌ స్టేజీ మీద చెప్పింది. అంతే కాదు అఖిరా భూమ్మీద వున్న అన్నింటికి జీవించే హక్కుందని నమ్ముతాడట, అందుకే  వేగన్ గా మారిపోయాడట. ఇక అఖిరా గురించి తెలుసుకున్న పవన్ అభిమానులు తండ్రికి తగ్గ తనయుడు అను ఆనందంలో మురిసిపోతున్నారు.