అక్కినేని నాగార్జున, చైతూ మధ్యలో స్టెప్పులేసిన జాతి రత్నాలు హీరోయిన్.. పిక్ వైరల్..!

ఫరియా అబ్దుల్లా.. ఒక్క సినిమాతో విపరీతమైన క్రేజ్ సంపాదించుకుంది ఈ చిన్నది. నవీన్ పోలిశెట్టి నటించిన జాతిరత్నాలు సినిమాలో ఫరియా అబ్దుల్లా హీరోయిన్ గా నటించింది. ఈ సినిమాలో అమాయకమైన అమ్మాయిగా ఫరియా అబ్దుల్లా నటన అందరినీ ఆకట్టుకుంది. ఈ సినిమా తర్వాత ఫరియా అబ్దుల్లా మరో సినిమాలో హీరోయిన్‌గా నటించలేదు.

ఇటీవల విడుదలైన మోస్ట్ ఎలిజిబుల్ బ్యాచిలర్ సినిమాలో అఖిల్ తో చిన్న పాత్రలో మెరిశాడు. తర్వాత ఏ సినిమాలో నటించలేదు. ఇప్పుడు నాగార్జున బంగార్రాజు సినిమాలో ఐటెం సాంగ్‌లో కనిపించనుంది. ఈ ఐటెం సాంగ్‌లో నాగార్జునతో పాటు డ్యాన్స్ వేసేందుకు ఫరియా ఎంపికైంది. ఆమె ఇప్పటికే సెట్స్‌లో జాయిన్ అయ్యి దాని కోసం షూట్ కూడా చేశారు. ఆమె అప్పటికే మంచి డ్యాన్సర్. తన ఇన్ స్టాలో పోస్టు చేస్తున్న వీడియోలను బట్టి చూస్తే అది అర్థం అవుతుంది.

ఇక అక్కినేని నాగార్జున, అక్కినేని నాగచైతన్య బంగార్రాజు సినిమాలో కనిపించనున్నారు. దీనిలో వీళ్లిద్దరు బంగార్రాజులుగా కనిపిస్తుండగా.. తాత మనవడి పాత్రలో మెరవనున్నారు. నాగచైతన్య దీనిలో జులాయిగా తిరిగే క్యారెక్టర్ అని సినీ వర్గాల టాక్. ఈ సినిమా సోగ్గాడే చిన్ని నాయనకు సీక్వెల్ అన్న విషయం తెలిసిందే. ఇక దీనిలో ఉప్పెన హీరోయిన్ కృతి శెట్టి.. నాగచైతన్యతో జతకట్టనుండగా.. రమ్యకృష్ణ .. నాగార్జునతో జతకట్టనుంది.

ఫరియా అబ్దుల్లాతో ఐటెం సాంగ్ కు సంబంధించి ఓ స్టిల్ ను చిత్ర సభ్యులు విడుదల చేశారు. జాతి రత్నాలు సినిమా తర్వాత ఫరియాకు అనుకున్నంత ఆపర్లు రాలేదు. దీంతో ఆమె ఏ చిన్న పాత్ర అయినా చేయడానికి సిద్ధం అయింది. దీనిలో నాగార్జున, నాగచైతన్య మధ్య స్టెప్పులు వేస్తూ ఆ స్టిల్ లో కనిపించింది. చూడటానికి ఈ లుక్ సూపర్ గా ఉంది. ఈ పిక్ ప్రస్తుతం సోషల్ మీడియాలో వైరల్ గా మారింది. ఈ సినిమా తర్వాత అయినా ఫరియాకు అవకాశాలు వస్తయో.. రావో చూడాలి. మరో విషయం ఏంటంటే ఈ సినిమాలో దాదాపు 9 మంది హీరోయిన్లు నటిస్తున్నారట. దీనికి కళ్యాణ్ కృష్ణ దర్శకత్వం వహిస్తున్నారు.