యమలీలకు ఒక్క నంది అవార్డు రాకపోవడంపై ఇప్ప‌టికీ తీవ్ర అసంతృప్తితో అలీ!

ఎస్. వీ కృష్ణారెడ్డి దర్శకత్వం వహించిన సినిమాల్లో ‘యమలీల’ అనేది అతడి కెరీర్ లోనే మైలురాయని చెప్పుకోవచ్చు. ఇందులో అలీని హీరోగా పరిచయం చేస్తూ పెద్ద ప్రయోగం చేశాడు. కానీ అతడు తీసుకున్న నిర్ణయం సరైందేనని.. సినిమా విడుదల అయిన తర్వాత అందరికీ తెలిసింది. సగటు ప్రేక్షకుడు సైతం.. అతడు చూపించిన సెంటిమెంట్ కు ఫిదా అయిపోయారు.

అందులో సంగీత దర్శకుడిగా ఎస్. వీ కృష్ణారెడ్డి అందించిన బాణీలు సినిమాకు పెద్ద హైలెట్ గా నిలిచాయి. 1994 సంవత్సరంలో విడుదలైన ఈ సినిమా బాక్సాఫీస్ వద్ద కాసుల వర్షం కురిపించింది. అయితే ఇదంతా ఇలా ఉండగా.. సినిమాకు ఎక్కువగా నంది అవార్డులు రాలేదని అలీ తీవ్ర అసంతృప్తితో ఉన్నాడు.

ఆ సంవత్సరంలో ప్రకటించిన అవార్డుల్లో ఈ సినిమాకు కేవలం ఒకే ఒక్క అవార్డు వరించింది. అదే బెస్ట్ సినమాటోగ్రఫి అవార్డు. దీనిపై ఓ ఇంటర్వ్యూలో హీరోయిన్ ఇంద్రజ, అలీ మాట్లాడుతూ.. ఆ సినిమాకు బెస్ట్ ఫిలింతో పాటు.. బెస్ట్ యాక్టర్, బెస్ట్ హీరోయిన్ అవార్డులు రావాల్సింది.. కానీ ఆ అవార్డుల ప్రధానోత్సం తీవ్ర నిరాశను కలిగించిందని అలీ అన్నారు.

దీనిపై ఇంద్రజ స్పందిస్తూ.. అవునా.. బెస్ట్ మ్యూజిక్ డైరెక్టర్ అవార్డు అన్నా ఇవ్వాల్సింది.. అందులోని పాటలు అంత మధురంగా ఉంటాయని చెప్పుకొచ్చింది ఇంద్రజ. ఇక అప్పటినుంచే అవార్డులపై ఇంట్రెస్ట్ పోయిందని.. వాటిపై ఎలాంటి ఆసక్తి లేదని.. అలీ అసహనం వ్యక్తం చేశాడు. యముడిగా కైకాల సత్యనారాయణ ఆ సినిమాలో ఎంతో ఒదిగిపోయి నటించారు. ఇలా మొత్తానికి సినిమా అప్పట్లో అద్భుతమైన విజయాన్ని అందుకుందని చెప్పవచ్చు.