ఆర్ఆర్ఆర్ షూటింగ్ పూర్తి కావడంతో.. ముంబై తిరుగు ప్రయాణమైన సీతమ్మ..!

దర్శక ధీరుడు ఎస్ ఎస్ రాజమౌళి ఎంతో ప్రతిష్టాత్మకంగా తెరకెక్కిస్తున్న చిత్రం “ఆర్ఆర్ఆర్”. పాన్ ఇండియా స్థాయిలో తెరకెక్కుతున్న ఈ చిత్రంలో ఇద్దరు స్టార్ హీరోలు నటిస్తున్నారు. మన్యంపులి అల్లూరి సీతారామరాజు పాత్రలో రామ్ చరణ్ సందడి చేయగా, గిరిజన వీరుడు కొమరం భీమ్ పాత్రలో యంగ్ టైగర్ ఎన్టీఆర్ కనిపించనున్నారు.

రాజమౌళి ఎంతో ప్రతిష్టాత్మకంగా తెరకెక్కిస్తున్న ఈ చిత్రం పాన్ ఇండియా చిత్రం కావడంతో బాలీవుడ్ ఇండస్ట్రీలో ఎంతో క్రేజ్ సంపాదించుకున్న బ్యూటీ అలియాభట్ ఈ సినిమాలో సీతమ్మ పాత్రలో కనిపించనున్నారు.ఇప్పటికే ఈ సినిమా ప్రేక్షకుల ముందుకు రావాల్సి ఉండగా పలు కారణాల చేత వాయిదా పడుతూ వస్తోంది.

ప్రస్తుతం పరిస్థితులు అనుకూలించడంతో ఈ సినిమా మిగిలిన షూటింగ్ పనులను శరవేగంగా జరుపుకుంటుంది. ఈ క్రమంలోనే బాలీవుడ్ చిన్నది అలియాభట్ ప్రమోషన్ సాంగ్ షూటింగ్ తో పాటు ప్యాచ్ వర్క్ ఉంటే ఆ షూటింగ్ మొత్తం కంప్లీట్ చేసుకొని తిరిగి ముంబై పయనమైనట్టు తెలుస్తోంది.

అలియా భట్ “ఆర్ఆర్ఆర్”షూటింగ్ పూర్తి కావడంతో ముంబై వెళ్లిన ఈమె తిరిగి సినిమా ప్రమోషన్ లో పాల్గొనడానికి హైదరాబాద్ చేరుకోనున్నారు. ఆ సమయంలో సుమారు పది రోజుల పాటు హైదరాబాద్ లో ఉండి సినిమా ప్రమోషన్లో పాల్గొంటారని తెలుస్తుంది. ఇక వీలైనంత త్వరగా ఈ సినిమా పనులను పూర్తి చేసి ముందుగా అనుకున్న ప్రకారం అక్టోబర్ 13న సినిమా విడుదల చేయాలనే ఆలోచనలో దర్శకధీరుడు ఉన్నట్లు తెలుస్తోంది.