Aliya Bhatt: కోట్లు విలువ చేసే ఖరీదైన ఇల్లు కొన్న ఆలియా… దేనికోసమో తెలుసా..?

Aliya Bhatt: బాలీవుడ్ ఇండస్ట్రీలో స్టార్ హీరోయిన్ గా గుర్తింపు పొందిన అలియా భట్ గురించి ప్రత్యేకంగా పరిచయం చేయాల్సిన అవసరం లేదు. ప్రముఖ నిర్మాత మహేష్ భట్ వారసురాలిగా ఇండస్ట్రీలో అడుగుపెట్టిన ఆలియా తన అందం అభినయంతో ప్రేక్షకులను ఆకట్టుకుని స్టార్ హీరోయిన్ గా మంచి గుర్తింపు పొందింది.

బాలీవుడ్ లో మాత్రమే కాకుండా సౌత్ లో కూడా ఈ అమ్మడికి మంచి ఫాలోయింగ్ ఉంది. ఇటీవల రాజమౌళి దర్శకత్వం వహించిన ఆర్ఆర్ఆర్ సినిమాలో సీత పాత్రలో నటించి తెలుగు ప్రేక్షకులకు కూడా దగ్గరయింది. ఇది ఇలా ఉండగా తాజాగా ఆలియా భట్ గురించి ఒక వార్త వైరల్ అవుతోంది. తాజాగా ఈ అమ్మడు రూ.37 కోట్లు ఖరీదు చేసే విలువైన ఇంటిని ముంబై లో కోనుగోలు చేసినట్టు తెలుస్తోంది.

బాలీవుడ్ లో హైయెస్ట్ రెమ్యూనరేషన్ అందుకుంటున్న హీరోయిన్లలో ఆలియా భట్ కూడా ఒకరు. దీంతో ఈ అమ్మడు భవిష్యత్తులో నిర్మాణ రంగం వైపు అడుగులు వేయాలనే ఆలోచనలో ఉన్నట్లు తెలుస్తోంది. ఈ క్రమంలో తనకు సంబంధించిన ప్రొడక్షన్ హౌస్ పేరిట ముంబైలో రూ. 37 కోట్లు వెచ్చించి ఖరీదైన ఇంటిని కొనుగోలు చేసినట్లు తెలుస్తోంది..ఇప్పటికే ఆలియా పేరిట రెండు ఖరీదైన ఇల్లు ఉన్నాయి. అందులో 8 కోట్ల రూపాయల విలువచేసే ఒక ఇంటిని తన చెల్లికి ఇచ్చినట్లు తెలుస్తోంది. మరొక ఇంట్లో ప్రస్తుతం ఆలియా, రణబీర్ కలిసి ఉంటున్నారు.

Aliya Bhatt: నిర్మాణ రంగంలో అడుగుపెట్టనున్న అలియా..

ఇటీవల ఆలియా పండంటి ఆడబిడ్డకు జన్మనిచ్చిన సంగతి అందరికీ తెలిసిందే. గత కొంతకాలంగా కూతురి కోసం సినిమాలకు దూరంగా ఉంటున్న ఆలియా ప్రస్తుతం సినిమాల మీద మళ్లీ ఫోకస్ పెట్టింది. ఈ క్రమంలో వరుస సినిమాలకు గ్రీన్ సిగ్నల్ ఇస్తోంది. మరొకవైపు రణబీర్ కుడ కూడా వరుస సినిమాలలో నటిస్తూ బిజీగా ఉన్నాడు.