Allu Arjun: ఇంద్రభవనాన్ని మించిపోయేలా ఉన్న అల్లు అర్జున్ ఇల్లు.. ఇంటిని చూస్తే కళ్ళు జిగేలుమనాల్సిందే?

Allu Arjun: టాలీవుడ్ ఇండస్ట్రీలోనే కాకుండా పాన్ ఇండియా స్థాయిలో ఎంతో క్రేజీ సంపాదించుకున్న ఐకాన్ స్టార్ అల్లు అర్జున్ గురించి పరిచయం అవసరం లేదు. స్టైలిష్ కి ఐకాన్ అయినటువంటి ఈయన ఐకాన్ స్టార్ గా పేరు సంపాదించుకున్నారు. అల్లు అర్జున్ లగ్జరీ లైఫ్ గడపడానికి ఇష్టపడతారనే విషయం మనకు తెలిసిందే.ఈ క్రమంలోనే ఆయన ధరించే వస్తువుల నుంచి తిరిగే కార్లు ఉండే ఇల్లు కూడా ఎంతో విలాసవంతంగా ఎంతో ఖరీదైనది అని చెప్పాలి.

ఇకపోతే తాజాగా అల్లు అర్జున్ ఇంటికి సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. అల్లు అర్జున్ తాజాగా రెండు ఎకరాల స్థలంలో 8000 చదరపు అడుగుల విస్తీర్ణంలో పెట్టే ఆకారంలో నిర్మించిన ఇల్లు గురించి ప్రస్తుతం సోషల్ మీడియాలో హాట్ టాపిక్ గా మారింది. ఈ ఇంటికి అల్లు అర్జున్ ఏకంగా 100 కోట్ల రూపాయల ఖర్చు చేసి తన ఇష్టానికి అనుగుణంగా డిజైన్ చేయించుకున్నారు.

జూబ్లీహిల్స్ లో నిర్మించిన ఈ ఇంటికి అల్లు అర్జున్ బ్లెస్సింగ్ అనే పేరు పెట్టారు. ఈ ఇంటిని అమీర్ & హమీదా అసోసియేట్స్ సహ వ్యవస్థాపకుడు అమీర్ శర్మ దీనిని రూపొందించారు.ఫర్నిచర్ దగ్గర నుంచి మొదలుకొని అధునాతన సౌకర్యాలతో అన్ని సదుపాయాలను ఏర్పాటు చేసి ఎంతో సుందరంగా ఈ ఇంటిని తీర్చిదిద్దారు.

Allu Arjun: అన్ని సౌకర్యాలను ఏర్పాటు చేసిన బన్నీ..

ఈ ఇంటిలో కలర్స్ చూస్తే ఎంతో ప్రశాంతమైన వాతావరణం కనబడుతుంది. చుట్టూ పచ్చదనం ఎంతో ఆహ్లాదకరంగా ఉండే ఈ ఇంటిలో పార్టీలు చేసుకోవడానికి అనుగుణంగా అలాగే పిల్లలు ఆడుకోవడానికి, ప్రత్యేకమైన స్విమ్మింగ్ పూల్ వంటి అన్ని రకాల సదుపాయాలను కూడా సమకూర్చారు. ఇలా అల్లు అర్జున్ తన రేంజ్ కు తగ్గట్టుగానే ఈ ఇంటిని అధునాతన టెక్నాలజీ ఉపయోగించి అన్ని సౌకర్యాలతో ఎంతో సుందరంగా తీర్చిదిద్దారని తెలుస్తోంది. ప్రస్తుతం అల్లు అర్జున్ ఇంటికి సంబంధించిన ఫోటోలు వైరల్ అవుతున్నాయి.