Analyst Damu Balaji : సర్పంచ్ నవ్య దగ్గర ఆధారాలు లేవు… అంతా ఒట్టిదే… ఎస్ ఐ రమేష్ చెప్పింది ఏంటంటే…: అనలిస్ట్ దాము బాలాజీ

Analyst Damu Balaji : జానకీపురం సర్పంచ్ నవ్య అలాగే స్టేషన్ ఘనపూర్ ఎమ్మెల్యే రాజయ్య వివాదం డైలీ సీరియల్ లాగా రోజూ వస్తూనే ఉంది. తాజాగా సర్పంచ్ నవ్య తనకు బెదిరింపు కాల్స్ వస్తున్నాయని పోలీసులకు ఫిర్యాదు చేసారు. తాను ఇంటి నుండి బయటికి వెళితే తిరిగి వస్తానో లేదో తెలియడం లేదని, ఎమ్మెల్యే తనని చంపించాలని చూస్తున్నాడంటూ నవ్య ఆరోపిస్తున్నారు. ఇక ఈ ఇష్యూ మీద అనలిస్ట్ దాము బాలాజీ మాట్లాడారు.

నన్ను చంపేస్తారు కాపాడండి…

సర్పంచ్ నవ్య ను లైంగికంగా వేధిస్తున్నాడు అంటూ ఆమె మీడియా ముందుకు గతంలో వచ్చింది. ఆ సమయములో ఎమ్మెల్యే రాజయ్య ఇంటికి వచ్చి క్షమాపణలు కూడా చెప్పారు. ఇక మళ్ళీ ఇపుడు నవ్య తన భర్తను వాడుకుని తనని మళ్ళీ వేధించాలని చూస్తున్నాడని, తన భర్తకు డబ్బు ఆశ చూపి గతంలో చేసిన ఆరోపణలు ఆపద్దమని రాయించుకోవాలని చూసారు, అప్పుగా ఇరవై ఐదు లక్షలు ఇస్తామని బాండు పేపర్ మీద సంతకం చేయించుకోవాలని అనుకున్నారని నవ్య ఆరోపిస్తోంది. అయితే ఈసారి ఆమె ఆధారాలను పోలీసులకు చూపించడం లేదు. బెదిరింపు కాల్స్ వస్తున్నాయని చెబుతోంది కానీ వాటిని బయటపెట్టడం లేదు అంటూ బాలాజీ తెలిపారు. మీడియా ముందు పబ్లిసిటీ కోసం ఇలా చేస్తుండవచ్చు.

నిజానికి గ్రామ అభివృద్ధి కోసం నిధులను ఇస్తానని ఎమ్మెల్యే చెప్పినపుడు అది ఆమె ఒక్కదాని సమస్య కాదు, ఉప సర్పంచ్ మిగిలిన మెంబెర్స్ ను తీసుకెళ్లి ఎమ్మెల్యేతో మాట్లాడిండవచ్చు. ఆలా కాకుండా నవ్య మాత్రమే మీడియా అటెన్షన్ కోసం ప్రయత్తిస్తున్నట్లు అనిపిస్తున్నది. పోలీస్ స్టేషన్ లో రాజయ్య ను అరెస్టు చేయాలంటూ ఫోర్యాదు చేసిన నవ్య వాళ్ళు ఎఫ్ఐఆర్ నమోదు చేయాలంటే మీ వద్ద ఉన్న ఆధారాలను చూపించండి అంటే మాత్రం నేను ఇవ్వను అంటోంది అంటూ బాలాజీ తెలిపారు. అక్కడి స్థానిక ఎస్ ఐ రమేష్ కూడా నవ్య కేసు గురించి మాట్లాడుతూ ప్రాథమిక దర్యాప్తు చేసాము అయితే ఎఫ్ఐఆర్ నమోదు చేయాలంటే మాత్రం ఆమె వద్ద ఉన్న ఆధారాలేంటో తెలియాలి, అది లేకుండా మేము ఏ అరెస్టు చేయలేము అంటూ చెప్పారని బాలాజీ అభిప్రాయపడ్డారు.