Ananya Panday: విజయ్ దేవరకొండ పిరికి వాడు… షాకింగ్ కామెంట్స్ చేసిన లైగర్ బ్యూటీ!

Ananya Panday: ఎలాంటి సినీ బ్యాక్ గ్రౌండ్ లేకుండా హీరో గాఎంట్రీ ఇచ్చి రౌడీ హీరోగా మంచి గుర్తింపు సంపాదించుకొని నేడు పాన్ ఇండియా స్థాయి హీరోగా సినిమాలు చేస్తూ ఎంతో మంచి గుర్తింపు సంపాదించుకున్న నటుడు విజయ్ దేవరకొండ గురించి ప్రత్యేకంగా చెప్పాల్సిన పనిలేదు.

ప్రస్తుతం ఈయన డేరింగ్ అండ్ డాషింగ్ డైరెక్టర్ పూరి జగన్నాథ్ దర్శకత్వంలో పాన్ ఇండియా స్థాయిలో లైగర్ చిత్రంలో నటిస్తున్నారు. ఇక ఈ సినిమా బాక్సింగ్ నేపథ్యంలో తెరకెక్కుతున్న విషయం మనకు తెలిసిందే. ఇక ఈ సినిమా ద్వారా బాలీవుడ్ బ్యూటీ అనన్య పాండే తెలుగు ప్రేక్షకులకు పరిచయం కానుంది.

ఈ క్రమంలోనే ఓ ఇంటర్వ్యూలో పాల్గొన్న అనన్య పాండే విజయ్ దేవరకొండ గురించి షాకింగ్ కామెంట్స్ చేశారు. ఈ సందర్భంగా ఆమె మాట్లాడుతూ విజయ్ దేవరకొండ పైకి ఎంతో గంభీరంగా కనిపించినప్పటికీ ఆయన మాత్రం పిరికివాడు అంటూ షాకింగ్ కామెంట్ చేశారు.

కీలక పాత్రలో బాక్సింగ్ దిగ్గజం మైక్ టైసన్…

నిజ జీవితంలో ఎంతో భిన్నంగా ఉండే విజయ్ దేవరకొండ సినిమాల పరంగా అతడు పోషించే పాత్రలు చాలా భిన్నంగా ఉంటాయని, అతను నటించిన అర్జున్ రెడ్డి సినిమా నాకు ఎంతో ఇష్టమైన సినిమా అని అనన్య తెలియజేశారు. సహ నటుడిగా సెట్ లో తనకు ఎంతో అనుకూలంగా వ్యవహరించారని ఈ సందర్భంగా అనన్య పాండే తెలియజేశారు. ఇక బాక్సింగ్ నేపథ్యంలో ఈ సినిమా తెరకెక్కడంతో బాక్సింగ్ దిగ్గజం మైక్ టైసన్ కీలక పాత్రలో నటించనున్నారు.ఈ సినిమా ఆగస్టు 25 వ తేదీన ప్రేక్షకుల ముందుకు రానుంది.