Hero Venkat: ఏఎన్ఆర్ నన్ను లాగిపెట్టి చెంపపై ఒకటి కొట్టారు.. షాకింగ్ కామెంట్స్ చేసిన హీరో వెంకట్!

Hero Venkat: టాలీవుడ్ ఇండస్ట్రీలో నటుడిగా ఎంతో మంచి గుర్తింపు సంపాదించుకున్న వారిలో నటుడు వెంకట్ ఒకరు. ఈయన ఇండస్ట్రీలో పలు సినిమాలలో హీరో సోదరుడిగా నటించి మంచి గుర్తింపు పొందారు. అయితే వెంకట్ ఇండస్ట్రీలో హీరోగా కూడా పలు సినిమాలలో నటించారు.ఇక ఇండస్ట్రీలో సీనియర్ నటుడిగా ఎంతో మంచి గుర్తింపు సంపాదించుకున్న అక్కినేని నాగేశ్వరరావు హీరోగా గుర్తింపు సంపాదించుకోవడమే కాకుండా పలు సినిమాలలో కీలకపాత్రలో సైడ్ క్యారెక్టర్ గా ఏఎన్ఆర్ నటించారు.

ఈ విధంగా హీరో వెంకట్ నటించిన శ్రీ సీతారాముల కల్యాణం చూద్దాము రారండి. వెంకట్ హీరోగా తెరకెక్కిన ఈ సినిమా బాక్సాఫీస్ వద్ద మంచి విజయాన్ని అందుకుంది.ఈ సినిమా మంచి విజయం అందుకున్న తర్వాత ఆయనకు వరుసగా అవకాశాలు వచ్చాయి. అయితే ఈయనకు ఏ సినిమా పెద్దగా ఆశించిన ఫలితాలను ఇవ్వలేదు అని చెప్పవచ్చు.

ఈ విధంగా ఇండస్ట్రీలో కొనసాగుతున్నప్పటికీ సరైన బ్రేక్ రాకపోవడంతో ఆయన కొంతకాలం పాటు ఇండస్ట్రీకి దూరం అయ్యారు. ఇక తాజాగా ఈయన లూసర్ సీజన్ 2వెబ్ సిరీస్ ద్వారా మరోసారి ప్రేక్షకుల ముందుకు రాబోతున్నారు. ఈ సందర్భంగా ఓ ఇంటర్వ్యూలో పాల్గొన్న వెంకట్ ఎన్నో ఆసక్తికరమైన విషయాల గురించి వెల్లడించారు.

సరైన రియాక్షన్ రావడం కోసమే…

ఈ సందర్భంగా వెంకట్ మాట్లాడుతూ… శ్రీ సీతారాముల కళ్యాణం సినిమాలో అనుకున్న విధంగా రియాక్షన్ రాకపోతే ఎన్నో టేకులు తీసుకోవాల్సి వచ్చింది. దీంతో విసిగిపోయిన ఏఎన్ఆర్ లాగిపెట్టి ఒక్కటి చెంపపై కొట్టారు. ఇలా కొట్టడం వల్ల ఆ సన్నివేశానికి తగ్గ రియాక్షన్ బయటపడిందని అందుకోసమే ఆయన తనను కొట్టారని ఈ ఇంటర్వ్యూలో వెంకట్ సీనియర్ నటుడు అక్కినేని నాగేశ్వరరావు గురించి వెల్లడించారు.