Anushka Shetty: ఆర్ఆర్ఆర్ సక్సెస్ పార్టీలో సందడి చేసిన దేవసేన…ఫోటో వైరల్!

Anushka Shetty: రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన చిత్రం ఆర్ఆర్ఆర్. ఈ సినిమా మార్చి 25వ తేదీన ప్రేక్షకుల ముందుకు వచ్చి ఎంతో అద్భుతమైన విజయాన్ని అందుకుంది. దేశ విదేశాలలో కూడా ప్రస్తుతం ఆర్ఆర్ఆర్ మానియా కొనసాగుతుంది.ఈ సినిమా ఎంతో అద్భుతమైన విజయాన్ని అందుకొని బాక్సాఫీస్ వద్ద సరికొత్త రికార్డులను సృష్టిస్తోంది.

ఇదిలా ఉండగా తాజాగా ఈ సినిమా విజయవంతం కావడంతో చిత్ర బృందం సక్సెస్ పార్టీ అరేంజ్ చేశారు. శనివారం సాయంత్రం ఈ పార్టీ అరేంజ్ చేయగా ఈ కార్యక్రమానికి రామ్ చరణ్, ఎన్టీఆర్ రాజమౌళి ఇతర చిత్ర బృందంతో పాటు ఉపాసన, ప్రణతి వంటి తదితరులు హాజరైనట్లు తెలుస్తోంది.

అయితే ఈ సక్సెస్ పార్టీలో అనుకోని అతిధి ఓ మెరుపు మెరిసింది. ఈ పార్టీకి దేవసేన అనుష్క హాజరయ్యి అందరినీ ఆశ్చర్యానికి గురి చేశారు. హీరోయిన్ అనుష్క శెట్టికి రాజమౌళికి మధ్య మంచి అనుబంధం వున్న సంగతి మనకు తెలిసిందే. ఇలాంటి అనుబంధంతోనే అనుష్కకు రాజమౌళి ప్రత్యేకంగా ఆహ్వానం పంపినట్లు సమాచారం.

సంతోషంలో అభిమానులు…

సక్సెస్ పార్టీ ఆహ్వానం అందుకున్న దేవసేన ఒక్కసారిగా ఈ పార్టీలో సందడి చేయడంతో ఈ పార్టీకి సంబంధించిన ఫోటో సోషల్ మీడియాలో వైరల్ గా మారింది. ఇకపోతే స్వీటీ చాలా రోజుల తర్వాత ఇలా కనిపించడంతో ఆమె అభిమానులు ఎంతో సంతోషం వ్యక్తం చేస్తున్నారు. ఇక ఈ పార్టీలో అనుష్క రామ్ చరణ్ తో మాట్లాడుతూ ఉన్నటువంటి ఫోటో నెట్టింట్లో వైరల్ గా మారింది. నిశ్శబ్దం సినిమా తర్వాత ఏ విధమైనటువంటి సినిమాలను అనుష్క ఇప్పటివరకు ప్రకటించలేదు. ఇలా ఈమె సినిమాలకు దూరంగా ఉండడానికి గల కారణం ఏమిటి అనే విషయం గురించి ఎన్నో వార్తలు సోషల్ మీడియాలో చక్కర్లు కొడుతున్నాయి.