బిగ్ బాస్ హోస్ట్ గా అతను తప్పుకోవడంతో ..బోల్డ్ బ్యూటీకి దక్కిన అవకాశం..?

బుల్లితెరపై ఎంతో అద్భుతమైన రేటింగ్స్ తో దూసుకుపోతున్న బిగ్ బాస్ రియాలిటీ షో గురించి ప్రత్యేకంగా చెప్పాల్సిన పనిలేదు. బిగ్ బాస్ రియాలిటీ షో వివిధ భాషలలో ప్రసారం అవుతూ ఎంతో ఆదరణ పొందింది. ఈ క్రమంలోనే తెలుగులో నాలుగు సీజన్లను ఎంతో విజయవంతంగా పూర్తి చేసుకుంది. ఇప్పటికే ఐదవ సీజన్ ప్రసారం కావాల్సి ఉండగా కరోనా కారణం చేత వాయిదా పడింది.

ఈ క్రమంలోనే బిగ్ బాస్ సీజన్ ఫైవ్ సెప్టెంబర్ 5వ తేదీ నుంచి ప్రసారం చేయడానికి నిర్వాహకులు ఏర్పాట్లను ముమ్మరం చేశారు. సీజన్ ఫైవ్ లో పాల్గొనే కంటెస్టెంట్ లను జూమ్ కాల్స్ ద్వారా ఇంటర్వ్యూలు నిర్వహిస్తున్నట్లు తెలుస్తోంది.తెలుగులో ఇప్పటివరకు నాలుగు సీజన్లలో ఎంతో విజయవంతంతో పూర్తిచేసుకున్న ఈ కార్యక్రమానికి ముగ్గురు స్టార్ హీరోలు హోస్ట్ గా వ్యవహరించారు.

బిగ్ బాస్ మొదటి సీజన్ ఎన్టీఆర్, రెండవ సీజన్ నాని, మూడు నాలుగు సీజన్లకు నాగార్జున హోస్ట్ గా వ్యవహరించారు. ఐదవ సీజన్ హోస్ట్ ఎవరనే విషయంపై సర్వత్రా ఉత్కంఠత నెలకొంది నాగార్జున పలు సినిమాల కారణంగా బిజీగా ఉండటం చేత ఈ సారి రానా హోస్ట్ గా వ్యవహరిస్తున్నారనే వార్తలు వినిపిస్తున్నప్పటికీ ఈ విషయంపై బిగ్ బాస్ నిర్వాహకులు ఎలాంటి ప్రకటన చేయలేదు.

బిగ్ బాస్ హౌస్ నుంచి ఎలిమినేట్ అయిన కంటెస్టెంట్ లను ఇంటర్వ్యూ చేయడం కోసం “బిగ్ బాస్ బజ్”అనే టాక్ షో రెండు సంవత్సరాల క్రితం మొదలైంది. ఈ క్రమంలోనే మూడవ సీజన్ కి తనిష్ యాంకర్ గా వ్యవహరించారు. నాలుగవ సీజన్ కి రాహుల్ యాంకర్ గా వ్యవహరించారు. ఇక తాజాగా ప్రసారం కాబోయే ఐదవ సీజన్ కు యాంకర్ గా సోహైల్ వ్యవహరించాల్సి ఉంది. అయితే సోహైల్ కు పలు కారణాల వల్ల డేట్స్ అడ్జస్ట్ కాకపోవడంతో ఈ అవకాశాన్ని వదులుగా ఉన్నట్లు తెలుస్తోంది. సోహెల్ తప్పుకోవడంతో బిగ్ బాస్ బజ్ కార్యక్రమానికి యాంకర్ గా బిగ్ బాస్, బోల్డ్ బ్యూటీ అరియానా గ్లోరీ దక్కించుకున్నట్లు తెలుస్తోంది. ఈ విషయానికి సంబంధించిన ప్రకటన త్వరలోనే రానుందని విషయం తెలుస్తోంది.