Arundathi Movie: అనుష్క కంటే ముందుగా సౌందర్య అరుంధతి సినిమాలో నటించిందని మీకు తెలుసా?

Arundathi Movie: టాలీవుడ్ ఇండస్ట్రీలో నటిగా ఎంతో మంచి గుర్తింపు సంపాదించుకున్న అనుష్క ఇండస్ట్రీలోకి అడుగుపెట్టిన కొన్ని సంవత్సరాలకే అరుంధతి వంటి లేడీ ఓరియంటెడ్ చిత్రం ద్వారా ప్రేక్షకుల ముందుకు వచ్చారు.కెరియర్ మొదట్లోనే ఇలాంటి ప్రయోగాత్మక చిత్రాలు చేయాలంటే ఎంతో సాహసం ఉండాలి అయితే ఈ సినిమా అనుష్కకు ఎంతో మంచి పేరు ప్రఖ్యాతలు సంపాదించి పెట్టింది.

ఇకపోతే అనుష్క కన్నా 10 సంవత్సరాలు ముందుగానే అరుంధతి సినిమాలో సీనియర్ దివంగత నటి సౌందర్య నటించిన విషయం చాలామందికి తెలియదు. అయితే సౌందర్య నటించిన ఈ అరుంధతి సినిమా ఫ్లాప్ అవడంతో పెద్దగా ప్రేక్షకులు ఈ చిత్రాన్ని గుర్తించలేదు.

సౌందర్య ప్రధాన పాత్రలో 1999 లో అమ్మా ఆర్ట్ క్రియేషన్స్ బ్యానర్ మీద.. పాపులర్ యాక్టర్ కాస్ట్యూమ్స్ కృష్ణ సమర్పణలో.. కొల్లి వెంకటేశ్వర రావు నిర్మించారు. ఇక ఈ చిత్రాన్ని ప్రముఖ రచయిత దర్శకుడు క్రాంతి కుమార్ దర్శకత్వం వహించారు. మహిళా ప్రాధాన్యత చిత్రాలను చేయడంలో ఎంతో అనుభవం కలిగినటువంటి క్రాంతి కుమార్ ఈ సినిమాకు దర్శకత్వం వహించారు.

Arundathi Movie: ఆకట్టుకోలేకపోయినా సౌందర్య అరుంధతి చిత్రం…

శ్రీవిద్య సౌందర్య తల్లికూత్రులుగా కనిపించారు. అయితే శ్రీవిద్య తన సొంత తల్లికాదని తెలుసుకున్న సౌందర్య సొంత తల్లిదండ్రుల కోసం అన్వేషణ మొదలు పెడుతుంది. ఈ అన్వేషణలో ప్రేమ చిగురించడం వంటి కథ నేపథ్యంతో ఈ సినిమా ప్రేక్షకుల ముందుకు వచ్చింది. అయితే ఈ సినిమాలో కాస్త ఓవర్ డ్రామా ఉండడంతో ఈ సినిమాని పెద్దగా ప్రేక్షకులు జీర్ణించుకోలేకపోయారు. ఇక క్లైమాక్స్ లో సౌందర్య శ్రీవిద్య ఇద్దరు చనిపోవడం కాస్త బాబోద్వేగానికి గురిచేస్తుంది.